મુખ્યમંત્રી વિજયભાઈ રૂપાણી ને નાયબ મુખ્યમંત્રી સહિતના મંત્રીઓને ક્વોરેનટાઈન કરવામાં આવશે

ગુજરાત કોંગી ધારાસભ્ય ઇમરાનખેડાવાલાનો 
            કોરોના નો રિપોર્ટ પોઝિટિવ

જમાલપુર ખાડિયાના ધારાસભ્ય ઈમરાન ખેડાવાલાનો કોરોનાનો રિપોર્ટ પોઝિટિવ આવતા ગુજરાત સરકારમાં હડકંપ મચી ગયો છે. ધારાસભ્ય ઈમરાના ખેડાવાળા મુખ્યમંત્રી, નાયબ મુખ્યમંત્રી, ગૃહ રાજ્યમંત્રી, રાજ્યના મુખ્ય સચિવ, રાજ્યના આરોગ્ય વિભાગના અગ્ર સચિવ, રાજ્યના ડીજીપી, અમદાવાદ પોલીસ કમિશ્નર, મ્યૂન્સિપલ કમિશ્નર, કોંગ્રેસના ધારાસભ્યો તેમજ બીજા પણ ઉચ્ચ અધિકારીઓ સાથે બેઠકનો દોર ચલાવ્યો હોવાથી આ તમામ રાજનેતાઓ અને ઉચ્ચ અધિકારીઓને પણ કોરન્ટાઈન થવું પડે તેવી સ્થિતિનું નિર્માણ થયું છે. આજે સરકારની માહિતી છૂપાવવાની નીતિના કારણે આખી રૂપાણી સરકાર અને તેમની સેના પર કોરોનાની તલવાર લટકી રહી છે.
       અમદાવાદાના કોટ વિસ્તારમાં કોરોનાના કેસો વધુ હોવાના કારણે આજે મંગળવારે કોટ વિસ્તારના ત્રણ કોંગ્રેસના ધારાસભ્યો ઈમરાના ખેડાવાલા, ગ્યાસૂદ્દીન શેખ અને દાણીલીમડા શૈલેષ પરમાર મુખ્યમંત્રીના આમંત્રણ પર ગાંધીનગર મળવા માટે આવ્યા હતા. મુખ્યમંત્રીની અધ્યક્ષતામાં યોજાયેલી આ બેઠકમાં નાયબ મુખ્યમંત્રી નીતિન પટેલ, ગૃહ રાજ્ય મંત્રી પ્રદિપ સિંહ જાડેજા ઉપસ્થિત રહ્યાં હતા. આ બેઠકમાં મુખ્યમંત્રી, નાયબ મુખ્યમંત્રી અને ગૃહમંત્રીએ માસ્ક પહેર્યા વગર જ બેઠા હતા. જ્યારે તેમનાથી દૂર ધારા સભ્ય ગ્યાસૂદ્દીન શેખ મોઢા પર માસ્ક લગાવીને બેઠા હતા. જ્યારે કોરોના પોઝિટિવ ધારાસભ્ય ઈમરાન ખેડાવાલા મોઢા પરથી માસ્ક હટાવીને ચર્ચા કરતા હતા.

કોરોના પોઝિટિવ દર્દીને કે પછી કોઈપણ વ્યક્તિને સંક્રમણના લાગે તે માટે મોઢા પર માસ્ક પહેરાવવામાં આવે છે. માસ્ક પહેરાવવાનું કારણ એ છે કે, તેઓ વાત કરતી વખતે તેમના મોઢામાંથી સામાન્ય થૂક ઉડે ત્યારે સંક્રમણ લાગવાની શક્યાતાઓ ખુબ જ વધી જતી હોય છે. ધારાસભ્ય ઈમરાન ખેડાવાલાનો આજે રિપોર્ટ પોઝિટિવ આવ્યો છે. તેમને બે દિવસ પહેલા તાવ અને શરદીની તકલીફ હોવાથી બ્લડ સેમ્પલ લેવામાં આવ્યા હતા. જેનો રિપોર્ટ અત્યારે પોઝિટિવ આવ્યો છે.

             ધારાસભ્ય ઈમરાન ખેડાવાલા અઠવાડિયા અગાઉ અમદાવાદ મ્યૂનિસિપલ કોર્પોરેટર કચેરીમાં પણ બેઠકમાં ગયા હતા. જ્યા તેઓ મ્યૂનસિપલ કમિશ્નર વિજય નેહરા તેમજ ગૃહ રાજ્ય મંત્રી તેમજ પોલીસના અધિકારી સાથે બેઠક કરી હતી. અમદાવાદ મ્યૂનિસિપલ કમિશ્નર વિજય નેહરા અને અમદાવાદના પોલીસ કમિશ્નર તેમજ પોલીસ ભવનના ઉચ્ચ અધિકારીઓ સાથે પણ બેઠક કરી ચૂક્યા છે. આમાં બધા અધિકારીઓ છેલ્લા અઠવાડિયાથી દસ દિવસના સમયગાળામાં એકબીજાના સંપર્કમાં આવ્યા હોવાથી આ તમામ ઉચ્ચ અધિકારીઓને કોરન્ટાઈનમાં રાખવા પડે તેવી સ્થિતિ સર્જાઇ છે.

તે ઉપરાંત આ બધી ભાગદોડ દરમિયાન અનેક પત્રકાર પરિષદો પણ યોજાઇ છે, તેવામાં અનેક પત્રકારોને પણ હોમ કોરન્ટાઇન થવુ પડી શકે છે.

કોરોના વાયરસની મહામારી જેવી વિકટ પરિસ્થિતિમાં જ્યારે અમદાવાદના કોરોના હોટસ્પોટ વિસ્તારના ધારાસભ્યને બેઠક માટે બોલાવ્યા ત્યારે સીએમ, ડે સીએમ કે રાજ્ય ગૃહમંત્રીએ માસ્ક પહેરવાની તસ્દી કેમ ના લીધી? તે વિચાર માંગી લે તેવો પ્રશ્ન છે? બીજી રીતે જોઇએ તો આ કોઈ પ્રશ્ન નહીં પરંતુ એક ગંભીર ભૂલ છે. કારણ કે, આજે ગુજરાતના ગાદીપત્તિઓ જ કોરન્ટાઈન કે કોરોનાના શિકાર થઇ જશે તો સામાન્ય જનતાની દેખ-રેખ કોણ રાખશે.