ઓખા GMB નો બોટ સંચાલકો માટે નિયમ મન માની તો!

બોટ સંચાલક ગમે તે નિયમભંગ કે ગુન્હો કરે સજા-દંડ કાયમ માટે મામુલી,હળવા અને એક સમાન!આજે ફરી બેટ-દ્રારકા ફેરી બોટ સવિઁસની 4 બોટ સસ્પેન્ડ કરી ને ફરજ બજાવી.યાત્રાધામ બેટ-દ્રારકાનું ધામિઁક,ઐતિહાસિક અને પયૅટન સ્થળ તરીકે ખુબ જ મહત્વનું અને મોટું નામ છે.

અહિં દરરોજ હજારો યાત્રિકો આવે છે. બેટ-દ્રારકા જવા માટે GMB સંચાલિત ફેરી બોટ સવિઁસ કાયૅરત છે.પોણા બસો જેટલી નાની મોટી બોટોમાં યાત્રિકોની આવ જાવ કરાય છે.

જયારે મોરબી પુલની ઘટના બની ત્યારે ગુજરાતનાં અન્ય બ્રીજ પુલ અને જોખમી મુસાફરી કે પરિવહનનાં સ્થળોએ સરકારી તંત્ર એલટૅ મોડમાં આવ્યું હતું.

બેટ-ઓખા જેટીએ કલેકટર,ડે.કલેકટર,એસ.પી.મામલતદાર વગેરે સરકારી અધિકારીઓ એ બોટનાં સંચાલનનાં જોખમી પરિબળોની ચોકસાઈ કરીને સુચારુ સુરક્ષિત અને નિયમ મુજબ ફેરી બોટ ચાલે તે માટે GMB ને મૌખિક અને લેખિત સુચનાઓ આપી હતી.

અંડર કેપેસીટી અને લાઈફ જેકેટ ફરજીયાત કરાવ્યા હતા.આ ઉપરાંત ટીકીટબારી બનાવવાનું કીધુ હતુ.ટીકીટબારી તો બની ગઈ અને બસ...થોડો સમય કે મહિના વિત્યા એટલે ફરી બોટ સંચાલકો દ્રારા નિયમોનાં લીરા ઉડવા લાગ્યા.

મુસાફરો સાથે ગેરવતૅન,પ્રાઈવેટ બોટ બાંધવી હોય તો મરજી મુજબ ભાડું,લાઈફ જેકેટ ની અમલવારી તો થતી જ નથી.તેમ છતા છેલ્લા બે ત્રણ માસમાં માત્ર બે ડઝનથી વધુ જેટલી બોટ સસ્પેન્ડ થઈ !

બોટ સંચાલક કોઈ પણ નિયમભંગ કરે સજા-દંડ મામુલી અને એક સમાન !નિયમભંગ થાય તો બોટ એક સપ્તાહ માટે સસ્પેન્ડ અને રુ.500 નો દંડ.

વારંવાર બોટ સંચાલક નિયમભંગ કરે કે એક બે વખત કરે તો પણ દંડ સજા એક સરખા જ.એમાય વળી તહેવાર, વેકેશન કે વધુ ટ્રાફીક હોય ત્યારે એક પણ બોટ ને સજા નહી !

જયારે ઓફસિઝન હોય અને બોટો એમ ને એમ લાંગરેલી પડી હોય ત્યારે અગાઉ ફરિયાદ થયેલ બોટ સંચાલક ને દંડ સજાની નોટીસ મલે !

એટલે બોટ સંચાલક ને નિયમભંગ કરવાનો,લાઈફ જેકેટ ન રાખવાનો કે પેસેન્જરો સાથે ગેરવતૅન કરવાનો કોઈ ભય રહ્યો જ નથી !

બીજુ કે ઓખા અને બેટ બન્ને જેટીએ GMBનાં કમૅચારીઓ,ગાડૅ અને કયારેક પોલીસની હાજરી હોવા છતા વધુ મુસાફરો,લાઈફ જેકેટ વગર મુસાફરી કેમ થાય જ ?

વળી, બોટ સંચાલકોની આવી હરકતોથી યાત્રિકોનાં જીવ જોખમમાં  મુકાય છે તે અંગેનાં સચિત્ર અહેવાલો મિડીયામાં આવે જ છે છતા પણ તંત્રનાં પેટનું પાણી હલતું નથી.

આ પ્રકારની બેદરકારી કોના આશિવૉદથી થાય છે તે તો દ્રારકાધીશ જાણે

પરન્તુ દાળમાં જરુર કંઈક કાળુ છે તે દેખાઈ આવે છે.

GMB-ઓખાનું તંત્ર બોટ સંચાલકો ઉપર આફરીન અને ઓળઘોળ છે તે તો છેલ્લા ઘણા સમયથી યાત્રિકો પણ જોઈ રહ્યા છે.

રિપોર્ટ. અનિલ લાલ