સૂર્યકુમાર યાદવની સર્જરી સફળ! હોસ્પિટલના ખાટલામાંથી જોઈ ભારત-અફઘાનિસ્તાનની મેચ, VIDEOમાં ભાવુકતા દેખાઈ

હોસ્પિટલમાં આરામ કરતાં-કરતાં સૂર્યકુમાર યાદવે ટી20 સીરીઝની છેલ્લી મેચ માણી. વીડિયો સોશિયલ મીડિયા પર વાયરલ.

બેંગલોરમાં ગુરુવારે ભારત અને અફઘાનિસ્તાનની વચ્ચે ટી20 સીરીઝની છેલ્લી મેચ રમવામાં આવી. આ મેચમાં ફેન્સને એક નહીં પણ 2-2 સુપર ઓવર જોવા મળી. જાણે મેચ તો પૂરી થવાનું નામ જ નહોતી લઈ રહી! ભારતની આ જીતનો શ્રેય કેપ્ટન રોહિત શર્માને જાય છે કારણકે તેમણે પોતાના અનુભવ અને ટ્રેનિંગથી ખેલાડીઓને યોગ્ય ગાઈડેન્સ આપ્યું અને ટીમને વિજયી બનાવ્યું.

હિટમેનની બેટિંગ
ટીમ 24 રન પર 4 વિકેટ ગુમાવી બેઠી હતી જે બાદ હિટમેને રોહિત શર્મા પોતાની ધમાકેદાર બેટિંગથી આખી મેચ પલટી દીધી. તેમણે 121 રનની ઈનિંગ રમી અને એટલું જ નહીં સુપર ઓવરમાં પણ તેમણે હિટ્સ લગાડ્યાં. તો બીજી તરફ ટીમની બહાર થયેલા સૂર્યકુમાર યાદવે રોહિતની આ ઈનિંગ હોસ્પિટલમાં બેઠે-બેઠે માણી. જેનો વીડિયો સોશિયલ મીડિયા પર વાયરલ થઈ રહ્યો છે.

ખોરાક અને ઔષધ નિયમન તંત્ર દ્વારા જામનગર જામનગર ખાતે હિરેન ટ્રેડર્સ  પેઢીમાં રૂ. ૨.૫ લાખની કિંમતનો ૫૫૦ લીટરથી વધુ ભેળશેળયુક્ત ઘીનો જથ્થો જપ્ત કરાયો.

ઘીનો ૧૨૦ લી., વનસ્પતિ તેલનો ૩૨ લી., પામોલીન તેલનો ૧૦૦ લી. અને  ઈન્ટર એસ્ટરીફાઇડ વેજ ફેટનો ૩૦૦ લી. જથ્થો જપ્ત: ખોરાક અને ઔષધ નિયમન તંત્રના કમિશનર

ખોરાક અને ઔષધ નિયમન તંત્રના કમિશનર ડૉ. એચ. જી. કોશિયાએ જણાવ્યું કે, ખોરાક અને ઔષધ નિયમન તંત્રની જામનગર કચેરી દ્વારા ઘીમાં ભેળશેળ કરતી પેઢી ખાતે રેડ કરી રૂ. ૨.૫ લાખની કિંમતનો આશરે ૬૦૦ લીટર જેટલો શંકાસ્પદ ઘીનો જથ્થો જપ્ત કરવામાં આવ્યો છે.

વધુ વિગતો આપતા તેમણે કહ્યું હતું કે, જામનગર ખાતે હિરેન ટ્રેડર્સ  પેઢીમાં ખોરાક અને ઔષધ નિયમન તંત્ર દ્વારા રેડ કરી શંકાસ્પદ ઘીના નમૂના લેવાની કામગીરી કરવામાં આવી હતી. તપાસ દરમિયાન આ પેઢી  ઘી બનાવવા માટેનો ફુડ પરવાનો ધરાવતા હતા, પરંતુ ત્યાં વગર પરવાને ગેરકાયદેસર ઈન્ટર એસ્ટરીફાઇડ વેજ ફેટનો જથ્થો પણ ઉત્પાદન કરવામાં આવતો હતો. ઘીમાં ભેળશેળ કરવા માટેના વનસ્પતિ તથા પામોલીન તેલ પણ મળી આવ્યું હતું.

પેઢીના માલીક શ્રી મહેશકુમાર ચાંદ્રા પાસેથી રાજભોગ ઘીના નમૂના લેવામાં આવ્યા હતા. આ ઉપરાંત એડલ્ટન્ટરન્ટ તરીકે  વનસ્પતી તથા પામોલીન તેલ, ઈન્ટર એસ્ટરીફાઇડ વેજ ફેટ મળી સ્થળ પરથી કુલ ૦૬ નમૂનાઓ લેવામાં આવ્યા છે. નમૂના લીધા બાદ ઘીનો ૧૨૦ લી., વનસ્પતિ તેલનો ૩૨ લી., પામોલીન તેલનો ૧૦૦ લી. અને  ઈન્ટર એસ્ટરીફાઇડ વેજ ફેટનો ૩૦૦ લી. મળી કુલ ૫૫૦ લી.થી વધુ જથ્થો જપ્ત કરવામાં આવ્યો છે. 

આ ખાધપદાર્થ બિન-આરોગ્યપ્રદ હોઈ તેનો પૃથક્કરણ અહેવાલ આવ્યા બાદ કાયદેસરની કાર્યવાહી કરવામાં આવશે તેમજ આ બાબતમાં આગળની ઝીણવટભરી  તપાસ ચાલી રહી છે, તેમ તેમણે ઉમેર્યું હતું.

જામનગર તાલુકાનો સ્વાગત ફરીયાદ નિવારણ કાર્યક્રમ યોજાશે

જામનગર સ્વાગત ફરીયાદ નિવારણ કાર્યક્રમ’ની રાજય અને જિલ્લા કક્ષાએ મળેલી સફળતા બાદ મુખ્યમંત્રીએ ગુજરાત રાજ્યના નાગરિકોના ગામ કે તાલુકા કક્ષાના પ્રશ્નો અસરકારક અને ન્યાયિક રીતે હલ થાય તે માટે તાલુકા કક્ષાએ ’તાલુકા સ્વાગત ફરીયાદ નિવારણ કાર્યક્રમ’ દર માસના ચોથા બુધવારે યોજવાનું સૂચન કર્યું છે.

જે અન્વયે, જામનગર (ગ્રામ્ય) તાલુકામાં ’તાલુકા સ્વાગત ફરિયાદ નિવારણ કાર્યક્રમ’ આગામી તા.24 જાન્યુઆરીના રોજ સવારના 11:00 કલાકથી કાર્યક્રમ પૂર્ણ ન થાય ત્યાં સુધી જામનગર ગ્રામ્ય મામલતદારની કચેરી ખાતે યોજવામાં આવશે. આ કાર્યક્રમ દરમિયાન તાલુકા કક્ષાના સંબંધિત અધિકારીએ જાતે હાજર થવાનું રહેશે. તેમના પ્રતિનિધી હાજર રાખી શકાશે નહિ. 

જેથી, અરજદારોએ આગામી તા.12 જાન્યુઆરીસુધીમાં ’તાલુકા સ્વાગત કાર્યક્રમ’ના મથાળા હેઠળ તેમનો પ્રશ્ન/ અરજી જામનગર ગ્રામ્ય મામલતદારની કચેરી, મહેસુલ સેવા સદન, શરૂ સેક્શન રોડ, જામનગરના સરનામાં પર મોકલી દેવાની રહેશે. અરજી મોકલતી વખતે અરજદારોએ આ તમામ બાબતોનું પાલન કરવાનું રહેશે. જે અંતર્ગત, જો તાલુકા કક્ષાનો પ્રશ્ન હોય તો તાલુકાના જવાબદાર અધિકારીને પ્રથમ લેખિતમાં રજુઆત કરેલી હોવી જોઈએ, અને રજૂ કરેલો પ્રશ્ન અનિર્ણિત હોવો જોઈએ. તો જ આ કાર્યક્રમમાં અરજી સ્વીકારવામાં આવશે. 

 કાર્યક્રમમાં તાલુકા કક્ષાના અધિકાર ક્ષેત્રમાં આવતા પ્રશ્નોના જ નિર્ણય લઈ શકાય, તેવા પ્રશ્નો જ હોવા જોઈએ. કાર્યક્રમમાં અરજદાર જાતે રૂબરૂ પોતાના પ્રશ્નની જ પૂરતા આધાર-પુરાવા સાથે રજુઆત કરી શકશે.  કાર્યક્રમમાં અરજદાર એક જ વિષયને લગતી રજુઆત કરી શકશે, સામુહિક રજુઆતો કરી શકશે નહીં. જામનગર (ગ્રામ્ય) તાલુકાના તમામ નાગરિકોને ઉક્ત તાલુકા સ્વાગત કાર્યક્રમનો લાભ લેવા માટે મામલતદાર, જામનગર (ગ્રામ્ય) ની યાદીમાં જણાવવામાં આવ્યું છે.

જામનગર આઈ.ટી.આઈ.ના ત્રણ તાલીમાર્થીઓની દિલ્હી ખાતે યોજાનાર પ્રજાસત્તાક પરેડ માટે પસંદગી

જામનગર આઈ.ટી.આઈ.ના તાલીમાર્થી અને ૨૭-ગુજરાત બટાલિયન એન.સી.સી. જામનગરના ત્રણ કેડેટસની આગામી તા.26 જાન્યુઆરીના રોજ દિલ્હી ખાતે પ્રજાસત્તાક પર્વની ઉજવણીમાં યોજાનાર પરેડ માટે પસંદગી કરાઈ છે.

આ માટે જાડેજા જયેન્દ્રસિંહ ઉમેદસંગ, સોનગરા મનીષ હીરાભાઈ અને જાડેજા મનદીપસિંહ ભગીરથસિંહ આગામી ૨૬મી જાન્યુઆરી ૨૦૨૪, પ્રજાસત્તાકદિન  પરેડમાં દિલ્હી ખાતે ઉપસ્થિત રહી જામનગર એન.સી.સી.નું પ્રતિનિધિત્વ કરશે.આ પરેડમાં ભાગ લેવા જનાર કેડેટ્સને રાષ્ટ્રપતિ તથા વડાપ્રધાન દ્વારા આયોજીત ભોજન સમારંભ માટે પણ સાદર નિમંત્રણ અપાયું છે.ઉલ્લેખનીય છે કે ઉપરોક્ત તમામ કેડેટસને એન.સી.સી. પી.આઈ. સ્ટાફ, સીનીયર કેડેટ તથા લેફ્ટનન્ટ રમેશ જોષી એ સઘન તાલીમ આપી હતી.જેના કારણે તેઓની આ પસંદગી થતા સમગ્ર જામનગર જિલ્લાના ગૌરવમાં વધારો થયો છે. આ તકે સંસ્થાના પ્રિન્સીપાલ જે.આર.શાહ, પ્રિન્સીપાલ આર.એસ.ત્રિવેદી તેમજ ૨૭-ગુજરાત બટાલિયન એન.સી.સી. ના CO કર્નલ મનીષ દેવરેએ કેડેટ્સને અભિનંદન સહ શુભેચ્છાઓ પાઠવી છે.

સવારે એક્ટીવીટી.. સાંજે ગ્રેવીટી

જામનગરથી પ્રસિધ્ધ થતું સાંધ્ય દૈનિક ન્યુઝ પેપર

"ગ્રેવીટી ન્યૂઝ" ના સૌથી ઝડપી અને સચોટ સમાચાર મેળવવા વોટ્સએપ ગ્રૂપમાં જોડાવા નીચેની લિન્ક પર તુરંત ક્લિક કરો

https://chat.whatsapp.com/FA77IOlQJy324xi61pykEq

_________________________

"ગ્રેવીટી ન્યુઝ લાઈવ" facebook(ફેસબુક) 

એકાઉન્ટ ને ફોલો કરો નીચે આપેલી લીંક માં ક્લિક કરી ને

https://www.facebook.com/grevitynewslive?mibextid=ZbWKwL

_________________________

"ગ્રેવીટી ન્યુઝ લાઈવ" 

twitter (ટ્વિટર) 

એકાઉન્ટ ને ફોલો કરો નીચે આપેલી લીંક માં ક્લિક કરી ને

https://x.com/GravityNewslive?t=LYJ26e9WWZydvEZKXTFHYg&s=09

_________________________

"ગ્રેવીટી ન્યૂઝ લાઈવ" 

instagram(ઈન્સ્ટાગ્રામ)

એકાઉન્ટ ને ફોલો કરો નીચે આપેલી લીંક માં ક્લિક કરી ને

https://www.instagram.com/gravity_news_live?igsh=MW1obTFvbXRraGVpNQ==

________________________

"ગ્રેવીટી ન્યૂઝ લાઈવ"

Telegram(ટેલિગ્રામ)

એકાઉન્ટ ને ફોલો કરો નીચે આપેલી લીંક માં ક્લિક કરી ને

https://t.me/+SQ88xjFzELozNmU1

સૌની યોજના હેઠળ નર્મદાના નીર પહોંચ્યા જામનગર તાલુકાના રૂપારેલ ડેમમાં

કેબિનેટ મંત્રી રાઘવજીભાઈ પટેલે ધૂંવાવ ગામે રૂપારેલ ડેમ ઓવરફ્લો થતાં નર્મદાના નીરના વધામણાં કર્યા

ડેમ મારફતે ધૂંવાવ, ખીમરાણા સહિત ૧૧ ગામોના ખેડૂતોને સિંચાઈ માટે પાણી મળી રહે છે

સૌરાષ્ટ્રના જળાશયો સુધી નર્મદા નદીનું પાણી પહોચાડવાનુ ઉમદા કાર્ય સરકાર દ્વારા થતાં ખેડૂતો આત્મનિર્ભર બન્યા : મંત્રી

રાજ્યના કૃષિ, પશુપાલન ગૌસંવર્ધન,મત્સ્યોદ્યોગ,ગ્રામવીકાસ અને ગ્રામ ગૃહનિર્માણ વિભાગના મંત્રીશ્રી રાઘવજીભાઈ પટેલે જામનગર તાલુકાના ધૂંવાવ ગામે સૌની યોજના હેઠળ નર્મદા નદીનું પાણી ડેમ સુધી આવતા રૂપારેલ ડેમ ઓવરફ્લો થતાં નવા નીરના વધામણાં કર્યા હતા. 

આ તકે કેબીનેટ મંત્રી રાઘવજીભાઈ પટેલે જણાવ્યું હતું કે,જે વિસ્તારોમાં બારમાસ નદીઓ નથી તેવા સૌરાષ્ટ્ર, કચ્છ અને ઉત્તરગુજરાતના જિલ્લાઓના ખેડૂતોને નર્મદા નદીનું પાણી પહોંચાડવાનું ભગીરથ કાર્ય સરકાર દ્વારા કરવામાં આવી રહ્યુ છે. રૂપારેલ ડેમ ઓવરફ્લો થતાં ખેડૂતોના ચહેરાઓ ઉપર હર્ષની લાગણી જોવા મળી છે. સૌની યોજના હેઠળ નદી નાળાઓમાં નર્મદાનું પાણી પહોચાડવામાં આવતા ખેડૂતો એક કરતા વધારે સીઝનનો પાક લેતા થયા છે અને તેમની આવકમાં વધારો થઈ રહ્યો છે. સરદાર સરોવર ડેમ મારફતે ગુજરાતના છેવાડાના ગામડા સુધી પણ નળ સુધી પીવાનું શુદ્ધ પાણી વડાપ્રધાનશ્રી નરેન્દ્રભાઈ મોદીના પ્રયાસો થકી સરકાર દ્વારા પહોચાડવામાં આવી રહ્યું છે. ગુજરાતના ગામડાઓમાં સરકાર દ્વારા તમામ પ્રાથમીક સુવિધાઓ પહોંચાડવાના પ્રયાસો થકી લોકોને પાયાની સુવિધાઓ મળી રહી છે. અને માળખાકીય સુવિધાઓ વધતાં  ગામડાઓ ગોકુળિયા બની રહ્યા છે. સુવિધા શહેરની અને આત્મા ગામડાનો સૂત્ર સાર્થક થયું છે. વિવિધ યોજનાઓના માધ્યમથી ગામડાઓનો વિકાસ થયો છે અને ખેડૂતો આત્મનિર્ભર બન્યા છે.

‘સૌની’ એટલે ‘‘સૌરાષ્ટ્ર નર્મદા અવતરણ ઇરિગેશન યોજના’’. વર્ષ 2014માં આ યોજનાના કામોનો પ્રારંભ થયો. ‘સૌની’ યોજના અંતર્ગત નર્મદાના પૂરના વધારાના પાણીને સૌરાષ્ટ્રમાં પહોંચાડવાનું દૂરંદેશી આયોજન ઘડાયું હતું. યોજના મુજબ પૂરના પાણી નર્મદા મુખ્ય કેનાલ અને સૌરાષ્ટ્ર શાખા નહેર મારફતે સૌરાષ્ટ્ર વિસ્તારની નદીઓ અને ડેમો સુધી પહોંચાડવા ચાર પાઈપલાઈન લિન્ક દ્વારા સૌરાષ્ટ્રના 11 જિલ્લાના 155 જળાશયો સુધી પહોંચાડવાનું ભગીરથ કાર્ય સરકાર દ્વારા થઈ રહ્યુ છે. જેનો ફાયદો સૌરાષ્ટ્રના હજારો ખેડૂતોને થઈ રહ્યો છે.

આ કાર્યક્રમમાં જિલ્લા પંચાયતના ઉપપ્રમુખ હસમુખભાઈ કણજારીયા, ધૂંવાવ ગામના સરપંચ કાનાભાઈ, પૂર્વ ધારાસભ્ય વલ્લભભાઈ ધારવિયા, આજુબાજુના ગામડાઓના સરપંચઓ, આગેવાનો તથા બહોળી સંખ્યામાં ગ્રામજનો ઉપસ્થિત રહ્યા હતા.

ધ્રોલ પોલીસ સ્ટેશન ખાતે કબજે કરવામાં આવેલા જુદા-જુદા ગુન્હાના કામે 7 દિવસમાં તેઓને વાહન છોડાવવા અંગેની કાર્યવાહી કરવા જણાવવામાં આવ્યું છે.ત્યારબાદ કાયદાકીય નિયમો અનુસાર વાહનોની જાહેર હરાજી કરવામાં આવશે.

જામનગર તા.29 ડિસેમ્બર, ધ્રોલ પોલીસ સ્ટેશન ખાતે જુદા-જુદા ગુન્હાના કામે તેમજ એમ.વી.એકટ-૨૦૭ ના કામે કબ્જે કરવામા આવેલ જે નીચે જણાવેલ વાહન માલીકોને અવાર-નવાર પોલીસ સ્ટેશન દ્વારા લેખીત તથા મૌખીક જાણ કરવા છતા વાહન છોડાવવા અંગેની કાર્યવાહી કરવામાં આવી ન હોવાથી આગામી 7 દિવસમાં તેઓને વાહન છોડાવવા અંગેની કાર્યવાહી કરવા જણાવવામાં આવ્યું છે.ત્યારબાદ કાયદાકીય નિયમો અનુસાર વાહનોની જાહેર હરાજી કરી હરાજીમા ઉપજેલ નાણા સરકાર ખાતે જમા કરવામા આવશે.જે માલિકોને વાંધા અરજીઓ હોય તેઓએ 7 દિવસની અંદર ધ્રોલ પોલીસ સ્ટેશન ખાતે રજૂઆત કરવાની રહેશે. ત્યારબાદ આવેલી રજૂઆતો ધ્યાનમાં લેવામાં આવશે. 

જે વાહનો કબજે કરવામાં આવ્યા છે તેમાં હીરો હોન્ડા મો.સા.GJ-05-DA-7541 હોન્ડા મો.સા.GJ-05-GF-O028, ગ્લેમર મો.સા.GJ-05-DS-341, બજાજ મો.સા એ.નં JBUBUD97074, રિક્ષા રજી. નં. GJ-01-AV-5645, યમાહા મો.સા.GJ-01-HL-2974, સ્કોર્પીયો કાર GJ-04-AJ-358, ઇટીયોસ કારનંબર IND1440435, સેન્ટ્રો કાર GJ-03-DA-2778, હિરો હોન્ડા મો.સા.GJ-10-CF-6471, બજાજ મો.સા GJ-10-D-4992, મો.સા GJ-10-S-9874, સ્કુટર મો.સા GJ-03-AJ-1773, હોન્ડા સીડી મો.સા GJ-15-H-2690, સીડી ડોન મોસા GJ-10-DS-4893, હીરો મોસા GJ-10-AH-7809, હોન્ડા મોસા GJ-03-BJ-3115, હીરો મોસા GJ-23-J-5762, ટીવીએસ મો.સા.GJ-03-AJ-8112, હીરો મોસા GJ-10-L-5567, હોન્ડા મોસા CD- 100 અને હીરો મો સા GJ-03-EF4892 છે. તેમ ધ્રોલ પોલીસ સ્ટેશનના પોલીસ સબ ઇન્સ્પેકટર પી. જી. પનારાની યાદીમાં જણાવવામાં આવ્યું છે. 

 કલેકટર બી.એ. શાહના અધ્યક્ષ સ્થાને જિલ્લા સ્વાગત ફરિયાદ નિવારણ કાર્યક્રમ યોજાયો.

               

 નાગરિકોના પ્રશ્નો તથા રજૂઆતો રૂબરૂ સાંભળ્યા બાદ તેનો હકારાત્મક તથા સત્વરે ઉકેલ લાવવા કલેકટર ઉપસ્થિત અધિકારીઓને સૂચન

  નાગરિકોએ તેમની ફરિયાદ માટે ઉચ્ચ કક્ષાએ જવું ન પડે તે માટે મુખ્યમંત્રી ભુપેન્દ્રભાઈ પટેલના માર્ગદર્શન હેઠળ રાજ્યના તમામ જિલ્લાઓમાં જિલ્લા સ્વાગત ફરિયાદ નિવારણ દિવસનું દર માસના ચોથા ગુરૂવારે આયોજન કરવામાં આવે છે.જે કાર્યક્રમ જિલ્લા કલેકટર બી.એ.શાહના અધ્યક્ષ સ્થાને કલેકટર કચેરીના સભા ખંડ ખાતે યોજવામાં આવ્યો હતો જેમાં કલેક્ટર સહિતના વિવિધ કચેરીઓના વડાઓએ નાગરિકોના પ્રશ્નો તથા રજૂઆતો રૂબરૂ સાંભળ્યા હતા તેમજ તેનો હકારાત્મક ઉકેલ આવે તે માટેના પ્રયાસો હાથ ધરાયા હતા.

આ કાર્યક્રમમાં અરજદારો દ્વારા માલિકીની જમીન પર અનધિકૃત દબાણ, રોડ રસ્તાના પ્રશ્નો, ગૌચર તથા સરકારી જમીનને લગતા પ્રશ્નો, જમીન માપણીને લગતા પ્રશ્નો, માલિકીના પ્લોટ, મકાન સહિતના મહેસુલને લગતા વિવિધ પ્રશ્નો વગેરે અંગે રજૂઆત કરી હતી. જે પ્રશ્નો તથા તે અંગેની વિગતો સાંભળ્યા બાદ લગત વિભાગોને સત્વરે તેનો ઉકેલ લાવવા કલેક્ટર દ્વારા ઉપસ્થિત કચેરીઓના વડાઓને સૂચન કરાયું હતું.

આ બેઠકમાં જિલ્લા વિકાસ અધિકારી  વિકલ્પ ભારદ્વાજ, પોલીસ અધિક્ષક  પ્રેમસુખ ડેલુ, અધિક નિવાસી કલેકટર બી.એન.ખેર, પ્રાંત અધિકારી જામનગર શહેર તથા ગ્રામ્ય, સંલગ્ન વિભાગોના અધિકારીઓ તથા કાલાવડ, લાલપુર, ધ્રોલ, જામજોધપુર, જોડિયા, ખાતેથી પણ પ્રાંત અધિકારીઓ, મામલતદારઓ, તાલુકા વિકાસ અધિકારીઓ સહિતના વિભાગોના અધિકારીઓ વર્ચ્યુઅલ માધ્યમથી ઉપસ્થિત રહ્યા હતા.