પ્રેમચંદ શેઠ કોલોનીમાં રાહ રસ્તા ની વચ્ચો વચ્ચ લોખંડ ના થાંભલા નાખી અવરોધ ઉભો કરી ત્રાસ આપી અને હેરાનગતી દુર કરવા બાબતે વાદી અદાલત ના શરણે

રાજકીય દબાણમાં JMC કાર્યવાહી ન કરતા વાદી અદાલત ના શરણે

આ કેસ ની ટુંકી વિગત એવી છે કે, પ્રેમચંદ શેઠ કોલોની શેરી નં. 2 ખાતે રહેતા હરીશ સુંદરદાસ નાનવાણી ની રહેણાંક વાળી જગ્યા એ જાહેર રાહ રસ્તો આવેલ હોઇ અને આ જાહેર રાહ રસ્તા નું કોલોની માં રહેતા લોકો તથા કોલોની માં અવર જવર કરતા લોકો તથા આડોશ પાડોશ ના લત્તાવાસીઓ અવર જવર તેમજ વાહન વ્યવહાર માટે ઉપયોગ કરતા આવતા હોઇ અને છેલ્લા થોડા દિવસોથી જ્ઞાનેશ સાવલા, રાજુભાઈ ગ્રાફિકવાળા, મુકેશ લીલારામ આશવાણી, હરીશ સેવકરામ આશવાણી, નિલેશ માલદે, રાજકુમાર સુંદરદાસ સંગતાણી, મોતીલાલ વધ્યોમલ હરજાણી વાળા ઓ એક બીજા ને મદદ ગારી કરી ગેર કાયદેસર રીતે અને અન અધિકૃત રીતે સરકારી કોઈ રજા પરવાનગી લીધા વગર પોતાને અંગત ફાયદો થાય તેમજ કોલોની માં તેમજ આડોશ પાડોશ માં રહેતા અને વેપાર ધંધો કરતા લોકો ને નુકસાન પહોંચાડવાના તથા હેરાન કરવાનાં તથા ત્રાસ આપવાના બદ ઇરાદે રાહ રસ્તાની વચ્ચે અડચણરૂપ લોખંડ ના થાંભલા નાખી દીધેલ હોઇ અને જેનાથી રીક્ષા, એમ્બયુલેન્સ જેવા ઉપયોગી વાહન પ્રવેશ ન કરી શકતા હોઈ અને હાલાકી થતી હોઇ અને હેરાનગતી થતી હોઇ જે બાબતે અગાઉ કોલોની ના મેમ્બર્સ તથા લત્તાવાસીઓ જે. એમ. સી. એસ્ટેટ શાખા ને તથા ઉચ્ચ ઓથોરિટી ને લેખિત ફરિયાદ આપેલ હોઇ અને એસ્ટેટ શાખા માંથી રોજકામ કરવા આવેલ હોઇ પરંતુ રાજકીય ભલામણ અને દબાણ ના કારણ સબબ નિયમ મુજબની કાયદેસરની કાર્યવાહી ન કરી અવરોધરૂપ ત્રાસ દાય રીતે ઉભા કરેલા લોખંડ ના થાંભલા દુર કરવાનું માત્ર પ્રતિવાદીઓ ને કહી ચાલ્યા ગયેલ હોઇ અને રાજકીય દબાણ માં આવી જઈ કોઈ કાયદેસરની કાર્યવાહી ન કરતા વાદી હરીશ સુંદરદાસ નાનવાણી તથા અન્ય રહેવાસીઓ એ પ્રેમચંદ શેઠ કોલોની, શેરી નં.2 ખાતે પ્રતિવાદીઓ એ અંગત ફાયદા ખાતર ગેરકાયદેસર રીતે રાહ રસ્તા ની વચ્ચે અવરોધરૂપ નાખેલા લોખંડના થાંભલા દુર કરવા તથા ત્રાસ હેરાનગતી દુર કરવા બાબતે પ્રતિવાદીઓ વિરુદ્ધ જામનગર ની અદાલત ખાતે ધોરણસર નો દાવો દાખલ કરેલ છે. આ કેસ માં વાદી તરફે વકીલશ્રી ઉમર એ. લાકડાવાલા રોકાયેલ છે.

33 માં રાષ્ટ્રીય માર્ગ સલામતી સપ્તાહની ઉજવણી અંતર્ગત

આર.ટી.ઓ. કચેરી જામનગર ખાતે રક્તદાન કેમ્પનું આયોજન કરાયું 87 નાગરિકો તથા કર્મીઓએ રક્તદાન કરી પોતાની સામાજિક ફરજ નિભાવી

માનવ જિંદગી અમૂલ્ય છે જેને બચાવવા લોહી એક મહત્વનું તત્વ છે. લોહીની આકસ્મિક જરૂરિયાત કોઈપણ વ્યક્તિને ગમે ત્યારે પડી શકે છે અને તેથી જ આવા સંજોગોમાં લોકોની જરૂરિયાતને પહોંચી વળવા અને આકસ્મિક સંજોગોમાં તેઓને મદદરૂપ થવા 33 માં રાષ્ટ્રીય માર્ગ સલામતી સપ્તાહ-2023 ની ઉજવણી અંતર્ગત આર.ટી.ઓ., જામનગર, જિલ્લા પોલીસ ટ્રાફિક શાખા તથા ટ્રાફિક એજ્યુકેશન સોસાયટીના સંયુક્ત ઉપક્રમે આર.ટી.ઓ. કચેરી જામનગર ખાતે રક્તદાન કેમ્પનું આયોજન કરવામાં આવ્યું હતું.

આ રક્તદાન કેમ્પમાં જામનગરના નાગરિકો તથા આર.ટી.ઓ., પોલીસ સહિતના સ્ટાફે સહભાગી થઈ માર્ગ સલામતી સપ્તાહની ઉજવણી કરી હતી. અને આ રક્તદાન કેમ્પમાં 87 લોકો તથા કર્મીઓએ રક્તદાન કરી પોતાની સામાજિક ફરજ અદા કરી હતી. કેમ્પમાં એકત્રિત થયેલ બ્લડ શહેરની જી.જી.હોસ્પિટલ તેમજ થેલેસેમિયા તથા કેન્સરના દર્દીઓ માટે ઉપયોગમાં આવે તે પ્રકારનું ઉમદા આયોજન જામનગર આર.ટી.ઓ. શ્રી જે.જે. ચુડાસમા દ્વારા કરવામાં આવ્યું હતું.આ રક્તદાન કેમ્પમાં શ્રી ગીરીશભાઈ બરશાએ 52 મી વખત રક્તદાન કરી રક્તદાન પ્રત્યે લોકોમાં જાગૃતિ લાવવાનું અનેરૂ ઉદાહરણ પ્રસ્તુત કર્યું હતું.

આ પ્રસંગે પ્રા.ડો. અનુપ ઠાકર, ડાયરેક્ટર ITRA જામનગર, શ્રી જીતુભાઈ લાલ, ટ્રસ્ટી જામનગર જિલ્લા ટ્રાફિક એજ્યુકેશન ટ્રસ્ટ, શ્રી જે. જે.ચુડાસમા , RTO જામનગર, શ્રી જી.વી.તલસાણીયા, ARTO દેવભૂમિ દ્વારકા, શ્રી એસ.આર. કટારમલ કાર્યપાલક ઇજનેર માર્ગ અને મકાન વિભાગ, શ્રી ડી.સી.જાડેજા ડિવિઝનલ કન્ટ્રોલર GSRTC,

શ્રી એ.એચ. ચોવટ પો.સ.ઇ.ટ્રાફિક શાખા, ડૉ.શ્વેતાબેન ઉપાધ્યાય, એસો. પ્રા. & હેડ IHBT જી.જી. હોસ્પિટલ જામનગર,શ્રી વિક્રમસિંહ ઝાલા, મેનેજીંગ ટ્રસ્ટી મોક્ષ ફાઉન્ડેશન, શ્રીમતી સોનલબેન જોશી, NSS ડિસ્ટ્રિક્ટ કો-ઓર્ડિનેટર,

શ્રી રીક્ષિત પારેખ, શતકવીર રક્તદાતા, ડો. ભૂમિકા શિંગાળા, રેસિડેન્ટ ડોક્ટર ટીમ ઇનચાર્જ, ડો. ધરતી કાનાણી,

શ્રી વેદપ્રકાશ ભટ્ટ, રક્તદાતા તેમજ આર.ટી.ઓ. તથા પોલીસ સ્ટાફ સહિત બહોળી સંખ્યામાં નાગરિકો ઉપસ્થિત રહ્યા હતા.

વાહન માલિકો ટુ-વ્હીલર અને ફોર-વ્હીલર પ્રકારના વાહનો માટેની સીરીઝના ઈ- ઓકસનમાં ભાગ લઈ શકાશે

જામનગર જિલ્લાની મોટરીંગ પબ્લિકના વાહન માલિકો ટુ- વ્હીલર અને ફોર- વ્હીલર પ્રકારના વાહનો માટેની નવી સીરીઝ જીજે-૧૦-ડીપી (2W) અને જીજે-૧૦-ડીએન (LMW) ના ગોલ્ડન, સિલ્વર નંબરના આમ બંને પ્રકારના ઈ-ઓકસનમાં ભાગ લેવા માટે ઓનલાઇન અરજીનો સમયગાળો આગામી તા.૧૬/૦૧/૨૦૨૩ થી ૨૯/૦૧/૨૦૨૩ તથા ઈ-ઓકશનનો બિડિંગ કરવાનો સમયગાળો તા.૨૯/૦૧/૨૦૨૩ થી ૩૧/૦૧/૨૦૨૩ અને આ ઈ-ઓકશનનું પરિણામ તા.૩૧/૦૧/૨૦૨૩ ના બપોરે ૦૪:૦૦ કલાકે જાહેર કરવામાં આવશે. 

આ પ્રકિયામાં ભાગ લેવા વાહનમાલિકોએ સૌપ્રથમ www.parivahan.gov.in વેબસાઇટ પર જઇને રજીસ્ટ્રેશન કરાવવાનું રહેશે. ત્યારબાદ યુઝર આઇડી અને પાસવર્ડ મેળવવાના રહેશે. યુઝર આઇડી અને પાસવર્ડ મેળવ્યા બાદ ઉપરોકત વેબસાઇટ પર લોગીન કરીને વાહન ખરીદીના દિવસ-૦૭ ની અંદર ઓનલાઇન સી.એન.એ. ફોર્મ ભરવાનું રહેશે. વાહન માલિકે ગોલ્ડન, સિલ્વર કે અન્ય પસંદગીના નંબર પરથી કોઇ એક નંબર પસંદ કરીને ઓનલાઇન પેમેન્ટ પ્રક્રિયા પૂર્ણ કરીને ઓનલાઇન રસીદ મેળવી લેવાની રહેશે. 

વાહનમાલિકે પોતાની બીડ ઉપરોકત દર્શાવેલ સમયગાળા દરમિયાન ૧૦૦૦ ના ગુણાંકમાં વધારી શકશે. ઇ-ઓકશનના અંતે નિષ્ફળ થયેલ અરજદારોએ રીફંડ માટે પ્રાદેશિક વાહનવ્યવહાર અધિકારીશ્રીની કચેરી, જામનગરનો સંપર્ક કરવાનો રહેશે. પસંદગીના નંબર મળેલ અરજદારોએ બાકી રકમનું ચૂકવણું ઓનલાઇન દિવસ-૦૫ માં કરવાનું રહેશે. જેમાં નિષ્ફળ ગયે પસંદગીના નંબરની ફીનું રીફંડ મળશે નહિ, જેની નોંધ લેવા પ્રાદેશિક વાહનવ્યવહાર અધિકારીશ્રી, જામનગરની યાદીમાં જણાવવામાં આવ્યું છે.

મહાલક્ષ્મી ચોકમાં શિવ મિત્ર મંડળ દ્વારા સર્વ રોગ નિદાન કેમ્પનું આયોજન કરવામાં આવ્યું હતું.

શિવ મિત્ર મંડળ દ્વારા સર્વ રોગ નિદાન કેમ્પનું આયોજન કરવામાં આવ્યું 

જેમાં અતિથિ વિશેષ તરીકે 78 વિધાનસભાના ધારાસભ્ય શ્રી રિવાબા જાડેજા, 79 વિધાનસભાના ધારાસભ્ય શ્રી દિવ્યેશભાઈ અકબરી, જામનગરના પ્રથમ નાગરિક શ્રી બીનાબેન કોઠારી, ગોવા શિપયાર્ડના ડાયરેક્ટરશ્રી હસમુખભાઈ હિંડોચા, પવન હંસના ડાયરેક્ટરશ્રી અમીબેન પરીખ, શહેર BJP ના મહામંત્રી શ્રી મેરામણભાઈ ભાટુ, પૂર્વ શહેર અધ્યક્ષશ્રી નિલેશભાઈ ઉદાણી, શાસક જૂથના નેતાશ્રી કુસુમબેન પંડ્યા, વોર્ડ 9 ના કોર્પોરેટર શ્રી નિલેશભાઈ કગથરા, શ્રી ધીરેનભાઈ મોનાણી, શ્રી પ્રવિણાબેન રૂપડિયા, BJP ના શહેર સંગઠનનાશ્રી નિશાંતભાઈ અગારા, શિક્ષણ સમિતિના સભ્યશ્રી દિનેશભાઇ રબારી, શ્રી બિમલભાઈ સોનછાત્રા, શિક્ષણ સમિતિના પૂર્વ ચેરમેનશ્રી આકાશભાઈ બારડ, વોર્ડ 9 ના પ્રમુખ ભાવેશ કોઠારી, બક્ષીપંચ મોરચાના મહામંત્રીશ્રી રાજુભાઈ બારડ, કિશાન મોરચાના પ્રમુખ ભુપેન્દ્રભાઈ જનવાર, મહાદેવ હર મિત્ર મંડળના પ્રમુખશ્રી રાજુભાઈ વ્યાસ, ભાટિયા સમાજના અગ્રણીશ્રી સંજયભાઈ આશર, યંગ સોશ્યિલ ગ્રુપના હાસમભાઈ મલેક સહીત આગેવાનો હાજર રહ્યા હતા,

આ તકે જામનગર અને દેવભૂમિ દ્વારકાના સાંસદ શ્રી પૂનમબેન માડમ તથા લોહાણા સમાજના પ્રમુખ શ્રી જીતુભાઇ લાલનો શુભેચ્છા સંદેશ એમના પ્રતિનિધિ દ્વારા પાઠવવામાં આવ્યો હતો.

આ કાર્યક્રમમાં મેહુલભાઈ પંડ્યા, ચાંદનીબેન, સંગીતાબેન કનખરા, પરાગભાઇ કનખરા, અલ્પાબેન શાહ, ભાવેશભાઈ શાહ, ભાવનાબેન જોશી, નરેશભાઈ જોશી, વિશાખાબેન સોનેયા, દિલીપભાઈ સોનેયા, મયુરીબેન ધોળકિયા, તથા પાર્થ ગોહિલ, તથાગત પંડ્યા વગેરે એ ખુબજ જહેમત ઉઠાવી કાર્યક્રમ ને સફળ બનાવ્યો હતો.

સંકલન:- ચીનાભાઇ

મંત્રીશ્રી રાઘવજીભાઇ પટેલે સર્કિટ હાઉસ ખાતે લોકસંપર્ક યોજી નાગરિકોના પ્રશ્નો સાંભળ્યા

રાજ્યના મંત્રીશ્રીએ જિલ્લા પંચાયત ખાતે શુભેચ્છા મુલાકાત લીધી 

રાજ્યના  કૃષિ, પશુપાલન, ગૌસંવર્ધન, મત્સ્યોદ્યોગ, ગ્રામગૃહ નિર્માણ અને ગ્રામ વિકાસ મંત્રીશ્રી રાઘવજીભાઇ પટેલે જામનગર સર્કિટ હાઉસ ખાતે લોકસંપર્ક યોજી ઉપસ્થિત રહેલ નાગરિકોના પ્રશ્નો તથા રજૂઆતો સાંભળી હતી. તેમજ નાગરિકો દ્વારા કરવામાં આવેલ રજૂઆતો ધ્યાને લઈ સત્વરે તે અંગે યોગ્ય કાર્યવાહી હાથ ધરવામાં આવશે તેમ જણાવ્યું હતું.

કૃષિમંત્રીશ્રી દ્વારા યોજવામાં આવેલ આ લોકસંપર્ક કાર્યક્રમમાં જામનગર શહેર તથા ગ્રામ્ય વિસ્તારોમાંથી બહોળી સંખ્યામાં નાગરિકો ઉપસ્થિત રહ્યા હતા, તેમજ તેઓએ પોતાની રજૂઆત મંત્રીશ્રી સમક્ષ મૂકી હતી.

અત્રે ઉલ્લેખનીય છે કે, કૃષિમંત્રીશ્રી દ્વારા જાહેર જનતા સાથે સંવાદ સેતુ સાધવા આ પ્રકારના લોક સંપર્કનું દર અઠવાડિયે શહેરના લાલ બંગલા સ્થિત સર્કિટ હાઉસ ખાતે આયોજન કરવામાં આવે છે, જેમાં બહોળી સંખ્યામાં નાગરિકો ઉપસ્થિત રહી પોતાના પ્રશ્નો તથા રજૂઆતો બાબતે રૂબરૂ ચર્ચા કરે છે. કૃષિમંત્રીશ્રી રાઘવજીભાઇ પટેલ પણ એટલી જ સહૃદયતાથી નાગરિકોના પ્રશ્નો સાંભળે છે, તેમજ આ પ્રશ્નોના નિવારણ માટે સ્થળ પર જ લગત વિભાગો તથા સંબંધિતોને ટેલિફોનિક સૂચના આપી અથવા તો લેખિત કાર્યવાહી કરી લોક પ્રશ્નોના નિરાકરણનું માધ્યમ બને છે.

આ ઉપરાંત, મંત્રીશ્રીએ જિલ્લા પંચાયત, જામનગર ખાતે શુભેચ્છા મુલાકાત લીધી હતી. મંત્રીશ્રીએ ઉપસ્થિત અધિકારીશ્રીઓ અને પદાધિકારીશ્રીઓને જરૂરી માર્ગદર્શન તેમજ સૂચના પુરી પાડી હતી. તેમજ વિકાસ કાર્યોની સમીક્ષા કરી હતી. મુલાકાત કાર્યક્રમમાં જિલ્લા પંચાયત પ્રમુખ શ્રી ધરમશીભાઈ ચનીયારા, તાલુકા પંચાયત પ્રમુખ શ્રી હસમુખભાઈ ફાચરા, આગેવાન સર્વશ્રી રણછોડભાઈ પરમાર, શ્રી વિનુભાઈ, શ્રી કે.ડી. ગાગીયા સહિતના ઉપસ્થિત રહયા હતા. 

શ્રધ્ધા અને વિશ્વાસ હોય તો શ્રી દ્રારકાધીશ દુનિયાનાં કોઈ પણ ખુણે મદદ કરે છે.

કેનેડામાં શ્રીદ્રારકાધીશે પરચો પુયોઁ અને સાત વષૅની દિકરી સહિત પરિવાર 52 કિ.મી. ચાલીને દ્રારકા માનતા પુરી કરવા આવ્યા.

કેનેડામાં બેમાળ પરથી પટકાયેલી નાની દિકરીને મગજનાં બે ઓપરેશન થયા બાદ દિકરી જેવી હતી તેવી સ્વસ્થ થઈ જતાં પરિવાર દ્રારકા માનતા પુરી કરવા આવ્યા..

મુળ સુરતનાં અને હાલ કેનેડામાં સ્થાયી થયેલા કેવિનભાઈની 7 વષૅની દિકરીને લઈને 52 કિ.મી. પગપાળા ચાલીને જયારે દ્રારકા આવ્યા ત્યારે દિકરી જેસલીન અને તેના પરિવારની આંખોમાં દ્રાલકાધીશ ભગવાન પ્રત્યેની કૃતજ્ઞતા છલોછલ દેખાઈ રહી હતી.ખુબીની વાત એ હતી કે કેવિનભાઈ અને તેમના પત્નિ 52 કિ.મી. ચાલ્યા ત્યારે તેની દિકરી જેસલીન પણ રમતી કુદતી વગર રોકાણે 52 કિ.મી. પગપાળા ચાલી હતી.

આ આખી ઘટના વિષે કેવિનભાઈએ જણાવેલ કે મૂળ સુરતના અને હાલ કેનેડા માં રહીએ છીએ. આજથી દોઢ વર્ષ પહેલા દીકરી જેસલિન બીજા માળેથી નીચે પટકાઈ જતા ગંભીરી ઈજાઓ પહોંચી હતી જેથી કરીને નવ નવ કલાકના બે ઓપરેશન કરવા પડ્યા હતા. મગજના ઓપરેશન હોવાથી આખો પરિવાર દીકરીની ચિંતામાં ખૂબ મુશ્કેલીમાં મુકાઈ ગયો હતો ત્યારે  અમને દ્વારકાધીશ યાદ આવ્યા હતા. સાડા ચાર વર્ષ પહેલાં અમે દ્વારકાધીશને 52 ગજની ધજા ચડાવેલી હતી એટલે મેં માનતા કરી કે દીકરી સાજી થઈ જાય તો હું 52 કિલોમીટર પગપાળા ચાલીને દ્વારકાધીશના દર્શન કરવા જાઊં !

થોડા જ દિવસોમાં દીકરી જેસલીન પહેલા હતી તેવી જ તંદુરસ્ત થઈ જતા આજે અમો 52 કિલોમીટર પગપાળા ચાલીને દ્વારકાધીશના દર્શન કરવા આવ્યા છીએ  ખૂબીની વાત એ છે કે 52 કિ મી. માં દીકરી જેસલીન  પણ પગપાળા ચાલીને આવી છે. અમે જ્યારે થાક ખાતા ત્યારે જેસલીન બેસતી ન હતી.  

દ્વારકાધીશ પ્રત્યે અમે કૃતજ્ઞતા વ્યક્ત કરીએ છીએ અને દ્વારકાધીશ નો પરચો અને એની મહિમા અપરંપાર છે તેવું કેવિન ભાઈ જણાવેલ હતું.

રિપોર્ટ.અનિલલાલ

સુરીનામના રાષ્ટ્રપતિ શ્રી ચંદ્રિકાપ્રસાદ સંતોખીનું જામનગર ખાતે આગમન; મંત્રી શ્રી જગદીશ વિશ્વકર્મા સહિતના મહાનુભાવોએ રાષ્ટ્રપતિશ્રીને આવકાર્યા

એરપોર્ટ ખાતે વિવિધ રાસ મંડળીઓએ ભાતીગળ સાંસ્કૃતિક કાર્યક્રમો રજૂ કરી રાષ્ટ્રપતિશ્રીનું ભવ્યાતિભવ્ય સ્વાગત કર્યું

સુરીનામના રાષ્ટ્રપતિ શ્રી ચંદ્રિકાપ્રસાદ સંતોખી ગુજરાતના એક દિવસીય પ્રવાસે પધાર્યા છે.જેમનું આજ રોજ જામનગર એરપોર્ટ ખાતે આગમન થતાં મણિયારો, ટીપ્પણી, તાળી રાસ, તેમજ પ્રાચીન ગરબા સહિતની સૌરાષ્ટ્રની ભાતીગળ લોક કલા દર્શાવતી વિવિધ સાંસ્કૃતિક કૃતિઓ રજૂ કરી રાષ્ટ્રપતિશ્રીનું ભવ્યાતિભવ્ય સ્વાગત કરવામાં આવ્યું હતું.આ તકે પોલીસ જવાનોએ પણ પોલીસ બેન્ડની સુરાવલીઓ વચ્ચે રાષ્ટ્રપતિશ્રીને ગાર્ડ ઓફ ઓનર આપી તેઓનું અભિવાદન ઝીલ્યું હતું.

આ પ્રસંગે જામનગર એરપોર્ટ ખાતે રાષ્ટ્રપતિશ્રીને રાજ્યના સહકાર વિભાગના રાજ્યમંત્રી શ્રી જગદીશ વિશ્વકર્મા, જામનગર મહાનગરપાલિકાના મેયર શ્રીમતી બીનાબેન કોઠારી, રાજ્યના અધિક મુખ્ય સચિવ શ્રી એ.કે.રાકેશ, લેબર કમિશનર તથા જિલ્લાના પ્રભારી સચિવ શ્રી અનુપમ આનંદ, જિલ્લા કલેક્ટર શ્રી ડો.સૌરભ પારધી, પોલીસ અધિક્ષક શ્રી પ્રેમસુખ ડેલુ વગેરેએ આવકારી તેઓનું સ્વાગત અભિવાદન કર્યું હતું.