હડિયાણા ગ્રામ પંચાયત નું  ઇતિહાસ માં સૌ પ્રથમ વખત રચાયો છે આખી બોડી નું અંતે વિસર્જન કરવામાં આવ્યું છે.વિકાસ કમિશ્નર ગાંધીનગર ના આદેશ અનુસાર કાર્યવાહી હાથ ધરવામાં આવી છે.ગ્રામજનોએ ફટાકડા ફોડી અને એકબીજા ના મુહ મીઠા કરાવી ને ખુશી ખુશી મનાવી હતી......................

હડિયાણા ગ્રામ પંચાયતની સ્થાપના વર્ષ (1956)માં શરૂઆત કરવામાં આવેલ છે.. વર્ષ 2021 સુધી માં  20 સરપંચ રાજ કરવામાં આવ્યું છે. જેમાં  વર્ષ 2022 ના નવા સરપંચના તા.18.01.22 થી 30.06.22 સુધી માં સૌ પ્રથમ વખત ગ્રામ પંચાયતના સરપંચ અને તમામ સભ્યોને હોદા ઉપર થી રદ કરવામાં આવ્યા છે.વર્ષ 1956 થી વર્ષ 2022 સુધી માં 66 વર્ષ માં અત્યાર સુધીમાં સૌ પ્રથમ વખત હડિયાણા ગ્રામ પંચાયતમાં વિસર્જન નો ઇતિહાસ રચાયો છે.................................

જોડિયા તાલુકા ભાજપ ના મહા મંત્રી જયસુખભાઈ આર. પરમાર અને હાલમાં જોડિયા તાલુકાના હડિયાણા ગ્રામ પંચાયતના સરપંચ જયસુખભાઈ આર. પરમાર સરપંચ પદે થી અને પચાયત ની આખી બોડી ને તેમના તમામ હોદાઓ પરથી વિસર્જન કરવામાં આવેલા છે..........

 તેઓની ધર્મ પત્ની શ્રી મતિ કુસુમબેન જે.પરમાર વર્ષ 2017 થી 2022 સુધી મહિલા સરપંચ તરીકે ની ભૂમિકા ભજવી હતી. તેમાં પચાયત કચેરી ખાતે ફક્ત ને ફક્ત તેમના પતિ દ્વારા જ પાંચ વર્ષ માં કારભાર ચલાવવામાં આવ્યો હતો. અને તે દરમ્યાન ઉપ.સરપંચ માં પણ મહિલા શ્રી મતિ કચનબેન આર. નદાસણા ની વરણી કરવામાં આવી હતી. પણ તેમાં પણ તેમના જ પતિ તમામ પ્રકારના નિર્ણય લેવામાં આવ્યા હતા. જેમાં ભય.ભુખ. ભ્રષ્ટાચાર ની ભૂમિકા ચરમ સીમાએ પહોંચી છે. અને હાલમાં ગ્રામ પંચાયતની નવી બોડી આવેલ છે. તેમાં પણ  સરપચ ના 5 સભ્યો ની જીત મેળવી છે. અને સામે હરીફ ઉમેદવાર ના 6 સભ્યો એ જીત મેળવી છે. માટે વર્ષ 22 અને 23 ના વર્ષ નું સામાન્ય બજેટ રજૂ કરવા નું હોય છે. પણ ત્રણેય વખતે 6 જેમ 5 ની સાથે બજેટ ના મજૂર કરવામાં આવ્યું હતું. એટલે હવે ગ્રામ પંચાયત નું તંત્ર સરકાર શ્રી ગ્રામ પંચાયત વિકાસ કમિશનર શ્રી ને ગત તા.28.06.2022 ના રોજ રૂબરૂ બોલાવ્યા હતા. અને ત્યાં થી પરત આવ્યા હતા. અને ગત તા.12.07.2022 ના રોજ જામનગર જિલ્લા પચાયત કચેરી ખાતે વીડિયો કોંફરન્સ માં પણ બોલાવ્યા હતા. તા.14.09.2022 ના રોજ નો લેખિત માં ગ્રામ પચાયત નું વિસર્જન કરવા ના લેખિત આદેશો આપવામાં આવેલા છે. સરપંચ અને જોડિયા તાલુકા ભાજપના મહામંત્રી  જયસુખભાઈ પરમાર દ્વારા ગત વર્ષે તા.21.06.2021 ના રોજ ગામમાંથી રખડતા અબોલ ખુટિયા નગ  13 ને કતલખાને ટ્રક મારફતે રવાના કરવામાં આવેલ હતા.આ ટ્રક ને સોયલ ટોલ નાકા પાસે ધ્રોલ પોલીસ દ્વારા રોકી ને તેમાંથી ખુટિયા ને પકડી પાડી ને ટ્રક ચાલક અને માણસો અને હડિયાણા ગામના મહિલા સરપંચ ના પતિ વિરુદ્ધ પોલીસ ફરિયાદ ધ્રોલ પોલીસ સ્ટેશનમાં નોંધવામાં આવેલ છે. તેમના ઉપર આજ દિવસ સુધી કોઇ પણ પ્રકારના પગલાં લેવામાં આવેલ નથી.આ બાબતે હડિયાણા ગામે પીવા ના પાણી ની વિકટ પરિસ્થિતિ હાલના સરપંચ દ્વારા ઇરાદાપૂર્વક ઉભી કરવામાં આવેલ છે. તેમજ ગામની સ્ટ્રીટ લાઈટ તેમજ મૃત પશુ ના નિકાલ ની કામગીરી પણ કરવામાં આવતી નથી. જેથી ગામમાં ભયંકર રોગચાળો વકરી રહ્યો છે. આવી ભયંકર રોગચાળા માં મનુષ્ય ની દહેશત હોય છે. હાલમાં સાત મહિના પહેલા સફાઈ કામગીરી માટે નવું ટ્રેક્ટર ખરીદવા માં આવેલ છે. પરંતુ હજુ સુધી માં એકપણ વખત સરપંચ ના ઘરમાંથી બહારકાઢવા માં આવેલ નથી. જે પોતાના અંગત ઉપયોગ માં ખેતીવાડી ના કામમાં ઉપયોગ લેવામાં આવે છે. અને હાલમાં ગ્રામ પંચાયત માં કોઈ કામ માટે અરજદાર જાય તો એવું કહેવામાં આવે છે. કે ઉપર રજુઆત કરો અહીં આવવું નહીં. 

 તે કેટલો સમય રાખવામાં આવશે. એ સરકાર દ્વારા નક્કી કરવામાં આવેલ છે. તેમજ પચાયતી રાજના કાયદાઓ ને કયા સુધી ઉલઘન કરવા ને ગામને પરેશાન કરવાનું થાય છે. 

ગ્રામજનો દ્વારા તાત્કાલિક વહીવટદારની જોડિયા તાલુકા પંચાયતના વિસ્તરણ અધિકારી જી.પી.ગઢિયા ની નિમણૂક કરવામાં આવી છે. અને ગામના સામાન્ય જનજીવન ને રાહતરૂપ થવા સરકાર પાસે માગણી કરવામાં આવેલ છે..........

રિપોર્ટર::શરદ.એમ.રાવલ.તા.જોડિયા.જી.જામનગર.હડિયાણા..

જામનગરનાં વોર્ડ નં. ૪ માં જુદાજુદા વિસ્તારમાં સી.સી. બ્લોક અને સી.સી. રોડના રૂા. ૫૯,૭૪,૭૯૧/- ના ખર્ચે વિવિધ વિકાસના કામોનું ખાતમુહૂર્ત કરતા ધારાસભ્ય ધર્મેન્દ્રસિંહ એમ. જાડેજા (હકુભા)

જામનગર મહાનગરપાલિકાના વોર્ડ નં. ૪માં અનેક રસ્તાઓના પ્રશ્નોની રજુઆતને લઈ ધારાસભ્ય ધર્મેન્દ્રસિંહ એમ. જાડેજા (હકુભા) દ્વારા ધારાસભ્યની ગ્રાન્ટ માંથી રૂા. ૫૯ લાખથી વધુ રકમના સી.સી. રોડ અને સી.સી. બ્લોકના કાર્યોને શહેર ભાજપ અધ્યક્ષશ્રી ડો. વિમલભાઈ કગથરાએ બિરદાવ્યા હતા. તેઓએ જણાવ્યું હતું કે વોર્ડ નં. ૪ની શહેરીગલીઓ સહીત મુખ્ય રસ્તાઓ પણ શહેરના મુખ્ય રાજમાર્ગો જેવા બનશે, જેનાથી આ વિસ્તારના રહેવાસીઓની સુખાકારીમાં વધારો થશે.

જામનગર ૭૮ વિધાનસભા વિસ્તારના જાગૃત ધારાસભ્ય અને પૂર્વ મંત્રી ધર્મેન્દ્રસિંહ એમ. જાડેજા (હકભા)ની ધારાસભ્ય તરીકે મળતી ગ્રાન્ટ માંથી વોર્ડ નં. ૪માં જુદા જુદા વિસ્તારોમાં સી.સી. રોડ અને સી.સી. બ્લોકના કામો માટે ગ્રાન્ટની ફાળવણી કરેલ હતી, જેથી આ વોર્ડમાં રૂા. ૫૦,૭૪,૭૯૧૮–– ના ખર્ચે રસ્તાઓનું નિર્માણ થશે. જેમાં ખાસ કરીને ઈન્દિરા સોસાયટી પાસે, મધુવન સોસાયટીના રૂા. ૨,૪૬,૦૦૦/– ના ખર્ચે સી.સી. રોડનું નિર્માણ થશે. આ ઉપરાંત વિનાયક પાર્ક ૧,ગરબીચોક પાસે, સી.સી.બ્લોકનું કામ રૂા. ૨,૯૬,૦૦૦/-, ખડખડનગર વિસ્તારમાં માતાના મઢવાળી શેરીઓમાં સી.સી. રોડનું કામ રૂા. ૨,૦૦,૦૦૦/–, મિલન સોસાયટી હનુભા જે જાડેજાના ઘરવાળી શેરીમાં સી.સી.બ્લોકનું કામ રૂા. ૪૪,૦૦૦–, પંચાયત ઓફીસ પાસે સુરેશભાઈ કટારીયાના ઘર પાસે સી.સી.બ્લોકનું કામ રૂ।. ૧,૯૧,૬૬૬−, ગોપાલ ચોક બાજુમાં અશોકભાઈ શિંગાળાના ઘર પાસે સી.સી.બ્લોકનું કામ રૂા. ૯,૩૦,૬૨૫–, દિલિપસિંહ જેઠવાના ઘર પાસે, પંચાયત ઓફીસ મેઈનરોડથી ગોપાલ ચોક તરફ સી.સી.રોડનું કામ રૂા. ૧૩,૭૫,૦૦૦/–, ઈન્દીરા સોસાયટી, સિધ્ધનાથ સ્કુલ વાળી શેરીમાં સી.સી.રોડનું કામ રૂા. ૨,૬૨,૫૦૦− અને જસવંત સોસાયટી, ડી.કે.ભાઈના ઘરવાળી શેરીમાં સી.સી.રોડનું કામ રૂા. ૨,૧૦,૦૦૦/- તેમજ ઈન્દિરા સોસાયટી પાસે આવેલ મધુવન સોસાયટીમાં રૂા. ૨૪,૬૫,૦૦૦− ના ખર્ચે થનારા આ કામોના ખાતમુહુર્ત ધારાસભ્ય અને પૂર્વ મંત્રી ધર્મેન્દ્રસિંહ એમ. જાડેજા (હકુભા) ના હસ્તે કરવામાં આવેલ હતું.

આ ખાતમુહુર્ત પ્રસંગે તેમની સાથે શહેર ભાજપ અધ્યક્ષશ્રી ડો. વિમલભાઈ કગથરા, જોડાતા જણાવ્યું હતું કે વોર્ડ નં. ૪ના રહેવાસીઓને જામનગર શહેરના રાજમાર્ગ જેવાજ માર્ગોનું નિર્માણના કાર્યોનો પ્રારંભ થયો છે. સારા રસ્તાની સવિધા મળતાજ લોકોની સખાકારીમાં વધારો થશે. તેઓએ ધારાસભ્ય અને પૂર્વ મંત્રી ધર્મેન્દ્રસિંહ એમ. જાડેજા (હકુભા) દ્વારા શહેરીગલીના રસ્તાઓના નિર્માણ માટે ફાળવવામાં આવતી ગ્રાન્ટને બિદાવી હતી.

આ ખાતમહર્ત કાર્યક્રમમાં વોર્ડ નં. ૪ ના કોર્પોરેટરશ્રીઓમાં કેશભાઈ માડમ, પૃથ્વીસિંહ ઝાલા, જડીબેન સરવૈયા, વોર્ડ નં. ૨ ના કોર્પોરેટરશ્રી જયરાજસિંહ જાડેજા, વોર્ડ નં. ૧૪ ના કોર્પોરેટરશ્રી જીતેશભાઈ શીંગાડા, વોર્ડ નં. ૧૦ ના કોર્પોરેટરશ્રી મકેશભાઈ માતંગ અને પાર્થભાઈ જેઠવા, સામંતભાઈ પરમાર, યોગેશભાઈ બારૈયા, ભાનુબેન વઘેરા, સતિષભાઈ રાઠોડ, શૈલેષભાઈ મકવાણા, સુરેશભાઈ કટારીયા, ઉપેન્દ્રસિંહ રાણા, બાબાશેઠ, ડી. કે.જાડેજા, કિશોરસિંહ જાડેજા, સચિનભાઈ રબારી, રેખાબેન વેગડ, વિણાબા જાડેજા, કૈલાશબા પરમાર, ગીતાબેન, ઈન્દુબા, રશિકબા, વનીતાબેન દેસાણી, હિમાંસીબેન પરમાર, વિજયભાઈ પરમાર, ક્રિપાલસિંહ ઝાલા, અનંતભાઈ દવે, દિલીપસિંહ જેઠવા, સલીમભાઈ પઠાણ, કાન્તીલાલ બારોટ, સિધ્ધરાજસિંહ જાડેજા, ઈન્દ્રજીતસિંહ જાડેજા, અજયભાઈ, નિલેષભાઈ પરમાર, ગૌતમભાઈ વાઘેલા, બ્રિજેશભાઈ થાનકી અને ગજેન્દ્રસિંહ જાડેજા તેમજ વોર્ડ નં. ૪ ના વેપારીઓ, સામાજીક આગેવાનો તેમજ ભાજપના આગેવાનો અને કાર્યકર્તાઓ સાથે આ વિસ્તારના જાગૃત નાગરીકો પણ મોટી સંખ્યામાં ઉપસ્થિત રહયા હતા.

કાલાવડ ખાતે પ્રભારી મંત્રીશ્રી બ્રિજેશભાઈ મેરજાના અધ્યક્ષસ્થાને જિલ્લાકક્ષાના સ્વાતંત્ર્ય પર્વની ઉજવણી કરાશે

આગામી ૧૫ મી ઓગષ્ટની ઉજવણીને અનુલક્ષી કલેકટરશ્રી ડો.સૌરભ પારધીના અધ્યક્ષસ્થાને બેઠક યોજાઇ

જામનગર જિલ્લાના કાલાવડ ખાતે શ્રમ, કૌશલ્ય વિકાસ તથા રોજગાર, પંચાયત, ગ્રામ ગૃહ નિર્માણ વિભાગના રાજ્યમંત્રી તથા જિલ્લાના પ્રભારી મંત્રીશ્રી બ્રિજેશભાઈ મેરજાના અધ્યક્ષસ્થાને જિલ્લાકક્ષાના સ્વાતંત્ર્ય પર્વની ગરીમાભેર ઉજવણી કરવામાં આવશે. આગામી ૧૫ મી ઓગષ્ટ-૨૦૨૨ની ઉજવણીને અનુલક્ષી જામનગર કલેકટર કચેરી ખાતે કલેકટરશ્રી ડો.સૌરભ પારધીના અધ્યક્ષસ્થાને અધિકારીશ્રીઓની બેઠક યોજાઇ હતી. જેમાં કાર્યક્રમના સ્થળે સાફ- સફાઇ અને પાણીનો છંટકાવ, ધ્વજવંદન સ્થળે બેઠક વ્યવસ્થા અને સુશોભન, હર્ષ ધ્વની, પોલીસ પરેડ, પ્રોટોકોલ મુજબ આમંત્રિતોને બેસાડવાની વ્યવસ્થા, પીવાના પાણીની વ્યવસ્થા, સરકારી કચેરીઓમાં સાફ- સફાઇ અને શણગાર તથા રંગરોગાન, વૃક્ષારોપણ, રમત- ગમત સહિત વિવિધ ક્ષેત્રોમાં વિશિષ્ટ કામીગીરી કરનાર વ્યક્તિઓનું સન્માન સહિતના મુદ્દાઓની ચર્ચા કરવામાં આવી હતી. ‘‘હર ઘર તિરંગા અભિયાન’’ અંતર્ગત જિલ્લાના દરેક ઘર, સરકારી કચેરી તથા દુકાનો પર તિરંગો લહેરાવવામાં આવે તેની વ્યવસ્થા સુનિશ્વિત કરવા કલેકટરશ્રીએ અધિકારીઓને સુચના આપી હતી.  

       

બેઠકમાં જિલ્લા વિકાસ અધિકારીશ્રી મિહિર પટેલ, નિવાસી અધિક કલેકટરશ્રી એમ.પી.પંડ્યા, જિલ્લા ગ્રામ વિકાસ એજન્સીના નિયામકશ્રી રાયજાદા, સર્વે પ્રાંત અધિકારીશ્રીઓ, નાયબ જિલ્લા વિકાસ અધિકારીશ્રી, નાયબ પોલીસ અધિક્ષકશ્રી, સર્વે મામલતદારશ્રીઓ સહિત વિવિધ કચેરીઓના અધિકારીઓ ઉપસ્થિ્ત રહ્યા હતા.

રાજ્યમંત્રી શ્રી બ્રિજેશભાઈ મેરજાએ જિલ્લામાં જાહેર કરાયેલ રેડ એલર્ટના પગલે તંત્ર દ્વારા કરાયેલ તૈયારીઓની સમીક્ષા કરી

જામનગર તા.12 જુલાઈ, કલેક્ટર કચેરીના સભાખંડ ખાતે જિલ્લાના પ્રભારી મંત્રી અને રાજ્યમંત્રીશ્રી બ્રિજેશભાઈ મેરજાના અધ્યક્ષ સ્થાને ભારે વરસાદના અનુસંધાને જામનગર જિલ્લામાં જાહેર થયેલ રેડ એલર્ટના પગલે જિલ્લા વહીવટ તંત્ર દ્વારા હાથ ધરવામાં આવેલ કામગીરી અંગેની સમીક્ષા બેઠકનું આયોજન કરવામાં આવ્યું હતું.

બેઠકમાં મંત્રીશ્રીએ લગત વિભાગોના અધિકારીશ્રીઓ પાસેથી વરસાદી કામગીરી અંગેની વિગતો મેળવી હતી.મંત્રીશ્રીએ તમામ તાલુકાઓમાં થયેલા કુલ વરસાદની માહિતી મેળવી ડેમના દરવાજાઓ ખોલવાની સ્થિતિ ઊભી થાય તો જરૂરી તકેદારી રાખવા સૂચન કર્યું હતું.મંત્રીશ્રીએ વરસાદથી ધોવાયેલ રોડ-રસ્તાનું તત્કાલિક સમારકામ કરી પૂર્વવત્ કરવા, વીજ પુરવઠો ન ખોરવાય તે માટે જરૂરી ટીમો તૈયાર કરવા, એન.ડી.આર.એફ. તથા એસ.ડી.આર.એફ.ની ટીમોની વ્યવસ્થા, તાલુકા વાર આશ્રયસ્થાનોની સ્થિતિ, ફૂડ પેકેટની વ્યવસ્થા, પાણી પુરવઠો તેમજ આવાગમનની વ્યવસ્થા વગેરેની માહિતી મેળવી જરૂરી માર્ગદર્શન પૂરું પાડ્યું હતું.

મંત્રીશ્રીએ જણાવ્યું હતું કે ગત વર્ષમાંથી બોધપાઠ લઈ જિલ્લા વહીવટી તંત્ર દ્વારા જિલ્લામાં જાનમાલની નુકસાની અટકાવવા ખૂબ સુચારૂ વ્યવસ્થાઓ ઉભી કરવામાં આવી છે. યુદ્ધના ધોરણે કામ કરતા તંત્રને યોગ્ય સહયોગ આપવા પણ મંત્રીશ્રીએ આ તકે જિલ્લાના નાગરિકોને અપીલ કરી હતી. તેમજ કંઈપણ જરૂરિયાત ઉભી થાય તો મંત્રીશ્રીનું અંગત ધ્યાન દોરવા પણ ઉપસ્થિત અધિકારીશ્રીઓને મંત્રીશ્રીએ જણાવ્યું હતું.

બેઠકમાં જિલ્લા પંચાયત પ્રમુખ શ્રી ધરમશીભાઈ ચનિયારા,મેયેર શ્રીમતી બીનાબેન કોઠારી,

જિલ્લા કલેકટરશ્રી ડો.સૌરભ પારઘી, જિલ્લા વિકાસ અધિકારી શ્રી મિહિર પટેલ, મહિલા અને બાળ વિકાસ સમિતિના ચેરમેન શ્રી હર્ષાદીપ સુતરીયા, અધીક નિવાસી કલેકટર એમ.પી.પંડ્યા, શહેર ભાપજ પ્રમુખ શ્રી વિમલભાઈ કગથરા, તમામ પ્રાંત અધિકારીશ્રીઓ, અધિક્ષક ઇજનેરશ્રી પી.જી.વી.સી.એલ, કાર્યપાલક ઇજનેરશ્રી માર્ગ અને મકાન વિભાગ પંચાયત સહિત સંલગ્ન વિભાગોના અધિકારીશ્રીઓ ઉપસ્થિત રહ્યા હતાં.

જોડિયા તાલુકા ના જીરાગઢ ગામે વંદે ગુજરાત વિકાસ યાત્રા ની ઉજવણી કરવામાં આવી

       જામનગર જિલ્લા ના  જોડિયા તાલુકા ના જીરાગઢ ગામે  તા. 11જુલાઈ  ના રોજ સમગ્ર રાજ્ય માં વંદે ગુજરાત વિકાસ યાત્રા ની ઉજવણી કરવામાં આવી  જે અંતર્ગત  આજે સાતમા દિવસે  યાત્રા નો રથ જીરાગઢ ગામે આવી પહોંચ્યો હતો  શાળા ની વિધાર્થિનીઓ દ્વારા રથ નું તેમજ ઉપસ્થિત રહેલ મહાનુભાવો  ભાવોનું કુમ કુમ તિલક થી સ્વાગત   કરવામાં આવ્યું. સમગ્ર ગ્રામજનો  અને શાળાપરીવારે સરકાર ની વિવિધ સિદ્ધિ ઓ અંગે  ની ફિલ્મ નિહાળી   કાર્યક્રમ  ના અધ્યક્ષ  શ્રીમતી ચંદ્રિકાબેન અઘેરાં  કુ. માધુરીબેન પટેલ  તા. વિ. અધિકારી જોડિયા , જેઠાલાલ  અઘેરાં -ઘનશ્યામભાઈ રાઠોડ  ઉપપ્રમુખ તાલૂકા પંચાયત  જોડિયા cdpo. ઠોરીયા બેન, 

Rfo. શ્રી સમાજ સુરક્ષા  માંથી  જાડેજા ભાઈ તેમજ નંદા ભાઈ, મેઘપર તાલુકા સીટ ના સભ્ય શ્રી  દુધઈ ગામના સરપંચ જાદવજી જીરાગઢ ગામના સરપંચ શ્રી કાંતિભાઈ કાચા  વિનુભાઈ ચૌહાણ  ગઢીયા સાહેબ વિસ્તરણ અધિકારી શ્રી   હાજર રહ્યા હતા. 

કાર્યક્રમ માં એમ. એમ. વાય યોજના, વ્હાલી દિકરી યોજના, આયુષ્માન કાર્ડ યોજનાના લાભાર્થીઓ ને પ્રમાણપત્ર તેમજ કીટ આપવામાં આવી. આ કાર્યક્રમ માં જીરાગઢ આચાર્ય શ્રી રાજેશ ભાઈ ડાંગર દ્વારા સ્વાગત પ્રવચન કરવામાં આવ્યુ તેમજ જેઠાલાલ અઘેરા દ્વારા પ્રાસંગીક પ્રવચન કરાયુ, જીરાગઢ શાળા ની વિદ્યાર્થીનીઓ અને યુ. પી. વી કન્યા વિદ્યાલય ની બાળાઓ દ્વારા સાંસ્કૃતિક કાર્યક્રમ રજૂ કરાયો 

કાર્યક્રમનુ સંચાલન  શ્રી બીટ નિરીક્ષક જોડીયા  કિશોરભાઈ ગજેરા એ કર્યું. 

સમગ્ર કાર્યક્રમ ને સફ્ળ બનાવવા  શાળા શિક્ષક  અલ્પેશ  દલસાણીયા, રમેશ ભાઈ મકવાણા, પારુલ બેન કાલરીયા  અને આચાર્ય શ્રી રાજેશ ભાઈ ડાંગરે    ભારે જહેમત ઉઠાવી....

શરદ એમ.રાવલ.હડિયાણા..

બાળકોને બાળવિજ્ઞાની બનાવતા ચાઇલ્ડ સાયન્ટીસ્ટ કોર્ષનો લોક વિજ્ઞાનકેન્દ્ર-ધ્રોલ દ્વારા શુભારંભ... સમગ્ર ગુજરાતમાં એકમાત્ર લોક વિજ્ઞાનકેન્દ્ર-ધ્રોલ પર ચાલે છે.

ગુજકોસ્ટ-ગાંધીનગર પ્રેરિત અને શ્રી એમ.ડી.મહેતા એજ્યુકેશન ટ્રસ્ટ – ધ્રોલ સંચાલિત શ્રી એમ.ડી.મહેતા જિલ્લા વિજ્ઞાનકેન્દ્ર – ધ્રોલ દ્વારા બાળકોમાં વિજ્ઞાનીઓ બનવાના બીજ રોપાય, બાળપણથી જ વૈજ્ઞાનિક દ્રષ્ટિકોણની ખીલવણી કરી શોધ – સંશોધન પ્રવૃતિઓમાં આગળ વધે, પોતાના ઘર અને આજુબાજુના વિસ્તારમાંથી જ હાથવગી વસ્તુઓનો ઉપયોગ કરી પોતાની પ્રયોગશાળાનું નિર્માણ કરે તેવા આશયથી “ચાઇલ્ડ સાયન્ટીસ્ટ કોર્ષ” શરૂ કરવામાં આવ્યો. જેમાં “પરિચય પ્રવૃત્તિ કાર્યશાળા” માં ૩૦૦ જેટલા બાળકો ઉત્સાહભેર સામેલ થયા. સમગ્ર કોર્ષ દરમિયાન થનાર વિજ્ઞાનની અવનવી પ્રાયોગિક પ્રવૃતિઓની ઝલક બતાવી નવા-નવા સર્જનશીલ વિચારોની શરૂઆત કરેલ. આ કોર્ષ સમગ્ર વર્ષ ચાલશે જેમાં ગુજરાત રાજ્યનાં કોઈપણ બાળક જે ધો. ૫ થી ૧૨માં અભ્યાસ કરતા હોય તે મહિનામાં બે રવિવાર વિજ્ઞાનકેન્દ્ર પર આવી વર્ષના ૩૦ જેટલા વર્કશોપમાં સામેલ થઇ શકે છે. 

જેમાં ડ્રોન એક્ટીવીટી, બેઝિક ઈલેક્ટ્રોનિક, હાઇડ્રોપોનીક્સ, ફન વિથ કેમેસ્ટ્રી, પાઠ્ય પુસ્તક આધારિત પ્રયોગો વગેરે જેવા વિષયો આધારિત પ્રવૃતિઓ કરાવવામાં આવશે. ચાઇલ્ડ સાયન્ટીસ્ટ કોર્ષમાં સામેલ થનાર તમામ બાળકો ૩૦ જેટલા વિજ્ઞાન-ગણિત ક્ષેત્રે આધારિત વર્કશોપમાં સઘન તાલીમ મેળવે છે અને વર્ષને અંતે તેઓ એક વિષય પર પોતાનું શોધ-સંશોધન કે વિજ્ઞાન પ્રવૃતિ પધારેલ નામાંકિત વિજ્ઞાની સમક્ષ રજૂ કરે છે. જેના ભાગ રૂપે તેઓને આમંત્રિત વિજ્ઞાનીના હસ્તે “વિજ્ઞાન રત્ન એવોર્ડ” અર્પણ થાય છે. કોર્ષનો પરિચય કાર્યક્રમ પૂર્ણ થયો હવે તારીખ ૨૪/૦૭/૨૦૨૨, રવિવાર સવારે ૮:૩૦ થી ૧૨:૩૦ પ્રથમ પ્રવૃતિ શરૂ થઈ રહી છે. કોર્ષમાં સામેલ થવા પ્રતિમાસ પહેલા અને ત્રીજા રવિવારે સામેલ થવાનું રહે છે. તો રસ ધરાવનાર શાળા, શેરી-ગલ્લી-મહોલ્લાનાં બાળકો આ કોર્ષમાં સામેલ થવા વિજ્ઞાનકેન્દ્રનાં પ્રોગ્રામ ઓફિસર ડૉ.સંજય પંડ્યા (૯૯૭૯૨૪૧૧૦૦) પર સંપર્ક કરે તેવો સંસ્થાના ચેરમેનશ્રી ધર્મેશભાઈ મહેતા તેમજ સેક્રેટરીશ્રી સુધાબેન ખંઢેરિયાએ અનુરોધ કરેલ છે.

રિપોર્ટર. શરદ એમ.રાવલ.

જામનગરમાં ડૉ. બાબા સાહેબ આંબેડકર” રેલવે ઓવરબ્રિજ તથા નાગમતી નદીના પુલથી હાપા માર્કેટિંગ યાર્ડને જોડતા ફોર લેન રોડનું પણ મુખ્યમંત્રીશ્રીએ ઇ-લોકાર્પણ કર્યું

 જામનગરવાસી ઓને ગુજરાતના સૌપ્રથમ વેસ્ટ ટુ એનર્જી પ્લાન્ટની ભેટ આપતાં મુખ્યમંત્રી શ્રી ભુપેન્દ્રભાઈ પટેલ

મુખ્યમંત્રી શ્રી ભૂપેન્દ્રભાઈ પટેલે વર્ચ્યુઅલ માધ્યમથી રૂ.૨૧૪ કરોડના વિવિધ કામોના ઇ-લોકાર્પણ અને ઇ-ખાતમુહૂર્ત કર્યા

છેલ્લા ૫ વર્ષમાં જામનગરને સ્વર્ણિમ જયંતિ મુખ્યમંત્રી શહેરી વિકાસ યોજના અંતર્ગત 1096 કરોડના કામોની ભેટ મળી

હાપા ખાતે યુ. સી. એચ. સી. સેન્ટર તેમજ શહેરમાં જુદી જુદી જગ્યાએ આસ્ફાલટ રોડના કામો તથા ડી. આઈ. પાઇપલાઇન દ્વારા વોટર સપ્લાયના કામોનું મુખ્યમંત્રીશ્રીએ  ઇ-ખાતમુહૂર્ત કર્યું

દૈનિક ૪૫૦ મેટ્રિક ટનની કેપેસિટી ધરાવતા વેસ્ટ ટુ એનર્જી પ્લાન્ટ મારફતે દૈનિક ૭.૫ મેગાવોટ વીજળી ઉત્પન્ન થશે

મુખ્યમંત્રી શ્રી ભૂપેન્દ્રભાઈ પટેલ જામનગરમાં સ્થપાયેલ ગુજરાતના સર્વપ્રથમ વેસ્ટ ટુ એનર્જી પ્લાન્ટ થકી પર્યાવરણની જાળવણી સાથે વીજળી ઉત્પન્ન થશે

વડાપ્રધાનશ્રી નરેન્દ્રભાઈ મોદીના માર્ગદર્શન અને સરકારના પ્રયાસો થકી જન જન સુધી વિકાસની ગાથા પહોંચી છે

ઓવરબ્રિજ થકી એરફોર્સ તેમજ રિંગ રોડ પર વિકસેલ સોસાયટીઓની અંદાજે ૧ લાખ જેટલી વસ્તીને જામનગર શહેર સાથે સીધી કનેક્ટિવિટી મળશે : કૃષિમંત્રીશ્રી રાઘવજીભાઈ પટેલ

જામનગર તા.૬ જુલાઇ,મુખ્યમંત્રીશ્રી ભૂપેન્દ્રભાઈ પટેલે સ્વર્ણિમ જયંતિ મુખ્યમંત્રી શહેરી વિકાસ યોજના, જી.યુ.ડી.સી. તથા  જી.યુ.ડી.એમ. તેમજ ૧૫માં નાણાંપંચની ગ્રાન્ટ અંતર્ગતના કુલ રૂ.૨૧૪ કરોડના વિવિધ પ્રકલ્પોના ઇ-લોકાર્પણ અને ઇ-ખાતમુહૂર્ત ગાંધીનગરથી વર્ચ્યુઅલ ઉપસ્થિત રહીને કર્યા હતા.

આ પ્રસંગે મુખ્યમંત્રીશ્રીએ રૂ.૧૨૮ કરોડના કામોના લોકાર્પણ જેમાં રૂ.૯૦ કરોડના ખર્ચે નિર્માણ પામેલ પી.પી.પી. બેઈઝ વેસ્ટ ટુ એનર્જી પ્લાન્ટ, સ્વર્ણિમ જયંતી મુખ્યમંત્રી શહેરી યોજનાની તથા જીયુડીસીની ગ્રાન્ટ અંતર્ગત એલ. સી. નં.૧૯૯ રેલ્વે ક્રોસિંગ ઉપર રૂ.૩૦ કરોડના ખર્ચે નિર્માણ પામેલ ટુ લેન “ડૉ બાબાસાહેબ આંબેડકર રેલ્વે ઓવરબ્રિજ તથા સ્વર્ણિમ જયંતી મુખ્યમંત્રી શહેરી યોજના હેઠળ રૂ.૮ કરોડના ખર્ચે બનાવેલ નાગમતી નદીના પુલથી હાપા માર્કેટિંગ યાર્ડને જોડતા ફોરલેન રોડનું લોકાર્પણ તેમજ રૂ.૬૧ કરોડના ખર્ચે ડી.આઈ. પાઇપલાઇન દ્વારા વોટર સપ્લાયનું કામ, શહેરમાં જુદી જુદી જગ્યાએ આસ્ફાલટ રોડના કામોનું રૂ.૧૫ કરોડના ખર્ચે તથા હાપા ખાતે રૂ.૧૦ કરોડના ખર્ચે નિર્માણ પામનાર યુસીએચસી સેન્ટર બનાવવાના કામોના એમ કુલ રૂ.૮૬ કરોડના કામોના ઇ-ખાતમુહૂર્ત કર્યા હતા. 

મુખ્યમંત્રી શ્રી ભુપેન્દ્રભાઇ પટેલે વર્ચ્યુઅલ માધ્યમથી જણાવ્યું હતું કે, વિકાસની દિશામાં જામનગરએ વધુ એક હરણફાળ ભરી છે. વડાપ્રધાનશ્રી નરેન્દ્રભાઈ મોદીના માર્ગદર્શન હેઠળ સરકાર વિકાસના સતત કામો કરી રહી છે અને જન જન સુધી વિકાસની ગાથા પહોંચી છે. જામનગરમાં 90 કરોડની રકમ થી સાકાર થયેલો ગુજરાતનો સર્વ પ્રથમ અત્યાધુનિક અને પી.પી.પી. બેઇઝ આધારિત વેસ્ટ ટૂ એનર્જી  પ્લાન્ટ દૈનિક ૪૫૦ મેટ્રિક ટનની કેપેસિટી ધરાવે છે. આ વેસ્ટ ટુ એનર્જી પ્લાન્ટ મારફતે દૈનિક ૭.૫ મેગાવોટ વીજળી ઉત્પન્ન થશે અને પર્યાવરણ જાળવણી પણ થશે.

ઓવરબ્રિજથી ટ્રાફિકની સમસ્યા નહિ થાય. જામનગરના ગોરધનપરમાં વિશ્વનું એક માત્ર ગ્લોબલ સેન્ટર ફોર ટ્રેડિશનલ મીડિસન સ્થાપવા જઇ રહ્યું છે તેનાથી વિશ્વ સ્તરે જામનગર અને ગુજરાતે આગવી ઓળખ મેળવી છે. જામનગરમાં વિકાસના સતત કાર્યો થઈ રહ્યા છે તેના થકી લોકોની સુખ સુવિધાઓમાં વધારો થયો છે. છેલ્લા ૫ વર્ષમાં સ્વર્ણિમ જયંતિ મુખ્યમંત્રી શહેરી વિકાસ યોજના અંતર્ગત જામનગરને ૧૦૯૬ કરોડ રૂપિયા વિકાસ કર્યો માટે રાજ્ય સરકારે ફાળવ્યા છે તેની વિસ્તૃત વિગતો મુખ્યમંત્રીશ્રી એ આપી હતી. આ પ્રસંગે જામનગર મહાનગર પાલિકા, ઉપસ્થિત મહાનુભાવો તેમજ શહેરીજનોને મુખ્યમંત્રીશ્રીએ અભિનંદન પાઠવ્યા હતા. 

આ પ્રસંગે કૃષિ, પશુપાલન અને ગૌ સંવર્ધનમંત્રી શ્રી રાઘવજીભાઈ પટેલે જણાવ્યું હતું કે, જામનગરમાં વિકાસના અવિરત કાર્યો થઈ રહ્યા છે. ગુજરાતનાં સર્વ પ્રથમ વેસ્ટ ટુ એનર્જી પ્લાન્ટની જામનગરમાં સ્થાપના થવાથી પ્રદૂષણ ઘટશે. તેમજ ઓવરબ્રિજ થકી એરફોર્સ તેમજ રિંગ રોડપર વિકસેલ સોસાયટીઓની અંદાજે ૧ લાખ જેટલી વસ્તીને જામનગર શહેર સાથે સીધી કનેક્ટિવિટી મળશે. જેને લીધે સમય તથા ઈંધણની પણ બચત થશે. 

આ પ્રસંગે સ્ટેન્ડિંગ કમિટીના ચેરમેન શ્રી મનીષભાઈ કટારીયાએ સ્વાગત પ્રવચન તેમજ મેયર શ્રી બીનાબેન કોઠારી, ધારાસભ્ય શ્રી આર.સી.ફળદુ, ધારાસભ્ય શ્રી ધર્મેન્દ્રસિંહ જાડેજાએ ઉદ્બોધન કર્યું હતું અને ડેપ્યુટી કમિશનર શ્રી વસ્તાણી દ્વારા આભારવિધિ વ્યક્ત કરવામાં આવી હતી. આ કાર્યક્રમમાં ડેપ્યુટી મેયર શ્રી તપનભાઈ પરમાર, કમિશનર શ્રી વિજય ખરાડી, શહેર ભાજપ પ્રમુખ શ્રી વિમલભાઈ કગથરા, સાશક પક્ષના નેતા શ્રી કુસુમબેન પંડયા, વિરોધ પક્ષના નેતા શ્રી આનંદભાઈ રાઠોડ, નગરપ્રાથમિક શિક્ષણ સમિતિના ચેરમેન શ્રી મનીષભાઈ કનખરા, મહામંત્રી શ્રી પ્રકાશભાઈ બાંભણીયા, શ્રી મેરામણભાઈ ભાટુ, પ્રદેશ પ્રભારી શ્રી અભયસિંહ ચૌહાણ, શ્રી હિરેનભાઈ પારેખ, શ્રી ચંદ્રેશભાઈ, વેસ્ટન રેલવેના ડેપ્યુટી ચીફ એન્જિનિયર તુષારભાઈ મિશ્રા, વેસ્ટ ટુ એનર્જી પ્લાન્ટની કંપનીના અધિકારીશ્રીઓ, વિવિધ પદાધિકારીશ્રીઓ, અધિકારીશ્રીઓ, કોર્પોરેટરશ્રીઓ તેમજ બહોળી સંખ્યામાં શહેરીજનો ઉપસ્થિત રહ્યા હતા.