જામનગરમાં મતગણતરી સ્થળે વ્યવસ્થામાં કોઈ વિક્ષેપ ન થાય તે માટે અધિક જિલ્લા મેજિસ્ટ્રેટશ્રી દ્વારા જાહેરનામું બહાર પાડવામાં આવ્યું

ગુજરાત વિધાનસભા ચૂંટણી અન્વયે જામનગર જિલ્લાના પાંચ વિધાનસભા મતદાર વિભાગોની મતગણતરી તા.8-12-2022ના રોજ ઓશવાળ એજ્યુકેશન ટ્રસ્ટ દ્વારા સંચાલિત બી. બી. એ./એમ. બી. એ. હરિયા કોલેજ, ઇન્દિરાનગર, ઉધ્યોગનગરની પાસે જામનગરના બિલ્ડિંગમાં યોજાનાર છે. મતગણતરીણી કાર્યવાહી શાંતિપૂર્ણ વાતાવરણમાં થઈ શકે મતગણતરી દરમિયાન કોઈપણ વ્યક્તિ ખલેલ પહોંચાડે નહિ તથા મતગણતરી સ્થળે વ્યવસ્થામાં કોઈ બાધા કે વિક્ષેપ ન થાય તે માટે અધિક જિલ્લા મેજીસ્ટ્રેટ શ્રી બી. એન ખેર દ્વારા જાહેરનામું બહાર પાડવામાં આવ્યું છે. જે મુજબ,

1.કોઈપણ વ્યક્તિ સક્ષમ અધિકારી તરફથી ઇસ્યુ કરવામાં આવેલ ફોટોગ્રાફ સહિતના અધિકૃત પ્રવેશ પાસ વીના મતગણતરી કેન્દ્રમાં દાખલ થશે નહિ તેમજ આવા પ્રવેશ  પાસ સરળતાથી દેખાઈ આવે તે રીતે પ્રદર્શિત કરશે. 

2.ઉમેદવાર કે તેમના ચૂંટણી એજન્ટ કે તેમના મતગણતરી એજન્ટ કે જેમણે વિધાનસભા મતદાર વિભાગના મતગણતરી હળમાં પ્રવેશ માટે પ્રવેશ પાસ ઇસ્યુ કરવામાં આવેલ હોય તે સિવાયના અન્ય મતદાર વિભાગના મતગણતરી હોલમાં પ્રવેશી શકશે નહિ. 

3.કોઈપણ વ્યક્તિ કે જેમાં ઉમેદવાર, તેમના ચૂંટણી એજન્ટ તેમજ મતગણતરી એજન્ટ સહિતના કોઈપણ વ્યક્તિ મતગણતરી કેન્દ્રના પ્રીમાઇસીસમાં કે મતગણતરી હોલમાં મોબાઈલ ફોન, કોર્ડલેસ ફોન, ઇલેક્ટ્રિક ગેજેટ્સ, સ્માર્ટ વોચ, વાયરલેસ સેટ કે સંદેશાવ્યવહારના અન્ય કોઈપણ ઉપકરણો લઈ જશે નહિ કે તેનો ઉપયોગ કરી શકશે નહિ. 

4.સમાચાર સંસ્થાઓના વ્યવસાય સાથે સંકળાયેલ પત્રકારો કે જેઓ રાજ્યસરકાર તરફ થી ઇસ્યુ થયેલ એક્રેડિશન કાર્ડ ધરાવે છે અને તેમણે વિધાનસભા સામાન્ય ચૂંટણી-2022 ના કવરેજ માટે ભારતના ચૂંટણીપંચ/ મુખ્ય નિર્વાચીન અધિકારીશ્રી ગુજરાત રાજ્ય દ્વારા પ્રવેશ પાસ આપવામાં આવેલા કે તેવા પત્રકારો મત ગણતરી માટે નક્કી થયેલ બિલ્ડિંગમાં રાખવામાં આવેલ મીડિયા સેન્ટર/કોમ્યુનિકેશન સેન્ટર સુધી મોબાઈલ સાથે લઈ જઇ શકશે પરંતુ તેઓને કોઈપણ વિધાનસભા મત વિસ્તારના મત ગણતરી હોલમાં મોબાઈલ સાથે પ્રવેશ કરવાની મનાઈ રહેશે. 

5.જાહેર આરોગ્ય અને સુખાકારી માટે મત ગણતરી મથકમાં સ્વચ્છતા જળવાઈ રહે તે અતિ આવશ્યક હોય, બિલ્ડિંગમાં તેમજ કમ્પાઉન્ડમાં પાન,મસાલા અને ગુટખા અને ધુમ્રપાન પર નિષેધ રહેશે. 

6.મતગણતરી કેન્દ્ર પર સક્ષમ અધિકારીશ્રીએ નક્કી કરેલ પાર્કિંગ સ્થળે જ વાહન પાર્ક કરવાનું રહેશે. 

આ હુકમ અન્વયે જામનગર જિલ્લામાં ફરજ બજાવતા થાણાના હેડ કોન્સ્ટેબલથી નીચેના ન હોય તેવા પોલીસ અધિકારીશ્રીઓને જાહેરનામાનો ભંગ કરનાર વિરુદ્ધ પગલાં લેવા માટે ભારતના ફોજદારી અધિનિયમ-1860ની કલમ 188 હેઠળ ફરિયાદ કરવા અધિકૃત કરવામાં આવે છે. તેમ અધિક જિલ્લા મેજીસ્ટ્રેટશ્રી બી.એન. ખેર દ્વારા બહાર પાડવામાં આવેલ જાહેરનામામાં જણાવવામાં આવ્યું છે.  

મત ગણતરી મથકથી 200 મીટરની ત્રિજ્યામાં ચારથી વધુ વ્યક્તિઓએ એકઠા થવા પર પ્રતિબંધ

વિધાનસભા ચૂંટણી અન્વયે જામનગર જિલ્લાના પાંચ વિધાનસભા મતદાર વિભાગોની મતગણતરી તા.8-12-2022ના રોજ ઓશવાળ એજ્યુકેશન ટ્રસ્ટ દ્વારા સંચાલિત બી. બી. એ./એમ. બી. એ. હરિયા કોલેજ, ઇન્દિરાનગર, ઉધ્યોગનગરની પાસે જામનગરના બિલ્ડિંગમાં યોજાનાર છે. મતગણતરીના દિવસે મથકની આજુબાજુ કાયદો અને વ્યવસ્થાની પરિસ્થિતિ જળવાઈ રહે અને કોઈ અનિચ્છનિય બનાવ ન બને તથા મતગણતરની કામગીરી શાંતિપૂર્વક ચાલી શકે તે હેતુથી અધિક જિલ્લા મેજીસ્ટ્રેટશ્રી ભાવેશ એન ખેર દ્વારા બહાર પાડવામાં આવેલ જાહેરનામાં મુજબ ચારથી વધુ વ્યક્તિઓને મત ગણતરી મથકની 200 મિટરની ત્રિજ્યામાં એકઠા થવા ઉપર તા.8-12-2022ના સવારના 5:00 વાગ્યાથી 24:00 કલાક સુધી ચાર રસ્તા કરતાં વધારે વ્યક્તિઓની મંડળી ભરવા કે બોલાવવા તેમજ સરઘસ કાઢવા અને એકઠા થવા પર પ્રતિબંધ ફરમાવવામાં આવ્યો છે. 

આ જાહેરનામું સરકારી નોકરીમાં અથવા તેમની ફરજની રૂએ રોજગારીમાં હોય તેવી વ્યક્તિઓને, ફરજ ઉપર હોય તેવા બિનપોલીસ દળો જેવાકે ગૃહ રક્ષક દળના સભ્યોને, લગ્નના વરઘોડાને, સ્મશાન યાત્રા ને, પોલીસ અધિક્ષકશ્રી અથવા તેમણે અધિકૃત કરેલ અધિકારીશ્રીએ અને જિલ્લા ચૂંટણી અધિકારીશ્રી, નાયબ જિલ્લા ચૂંટણી અધિકારીશ્રી, સબંધિત વિધાનસભા મતદાર વિભાગના ચૂંટણી અધિકારીશ્રી તથા મદદનીશ ચૂંટણી અધિકારીશ્રીએ અધિકૃત કરેલ અને મંજૂરી આપેલ વ્યક્તિઓને લાગુ પડશે નહિ. તેમ જણાવવામાં આવ્યું છે. 

ભારતીયતટરક્ષકદળે ગુજરાતમાં 20મી રાષ્ટ્રીયમેરિટાઇમસર્ચઅને રેસ્ક્યુબોર્ડબેઠકનું આયોજન કર્યું

ભારતીય તટરક્ષક દળ (ICG) દ્વારા ગુજરાતમાં કેવડિયા ખાતે શુક્રવાર, 18 નવેમ્બર 2022ના રોજ વાર્ષિક મેરિટાઇમ સર્ચ અને રેસ્ક્યુ (MSAR) બેઠકની શ્રેણીના ભાગરૂપે 20મી રાષ્ટ્રીય મેરિટાઇમ સર્ચ અને રેસ્ક્યુ (NMSAR} બોર્ડ બેઠકનું આયોજન કરવામાં આવ્યું હતું. સર્વોચ્ચ સ્તરની આ બેઠક ભારતીય તટરક્ષક દળના મહાનિદેશક અને રાષ્ટ્રીય મેરિટાઇમ સર્ચ અને રેસ્ક્યુ બોર્ડના ચેરમેન ડાયરેક્ટર જનરલ વી.એસ. પઠાનિયા,PTM, TMની અધ્યક્ષતામાં યોજાઇ હતી. NMSAR બોર્ડમાં વિવિધ કેન્દ્રીયમંત્રાલયો/એજન્સીઓ, સશસ્ત્ર દળોના સભ્યો, દરિયાકાંઠો ધરાવતા તમામ રાજ્યો અને કેન્દ્રશાસિત પ્રદેશોના કુલ 31 સભ્યો સામેલ હોય છે અને તેઓ 4.6 મિલિયન ચોરસ કિલોમીટરના વિશાળ ભારતીય સર્ચ અને રેસ્ક્યુ પ્રદેશ (ISRR)માં દરિયાખેડુઓ અને માછીમારો માટે રાષ્ટ્રીય મેરિટાઇમ સર્ચ અને રેસ્ક્યુ પ્લાન તેમજ સેવાઓ પૂરી પાડવા માટે દર વર્ષે ભેગા મળીને નીતિગત મુદ્દાઓની ચર્ચા કરે છે, માર્ગદર્શિકાઓ અને પ્રક્રિયાઓ ઘડે છે અને તેની કાર્યદક્ષતાનું આકલન કરે છે.

અધ્યક્ષે પોતાના પ્રારંભિક સંબોધનમાં, ભારતીય તટરક્ષદ દળ દ્વારા બોર્ડના નેજા હેઠળ M-SAR સેવાઓના મજબૂતીકરણ માટે અન્ય હિતધારકો/સંસાધન એજન્સીઓ સાથે સંકલન દ્વારા હાથ ધરવામાં આવતી વિવિધ પહેલો પર પ્રકાશ પાડ્યો હતો. આ બેઠક દરમિયાન ડાયરેક્ટર જનરલ વી.એસ. પઠાનિયા,PTM, TM, રાષ્ટ્રીય મેરિટાઇમ સર્ચ અને રેસ્ક્યુ બોર્ડના ચેરમેને રાષ્ટ્રીય મેરિટાઇમ સર્ચ અને રેક્યૂપ્લાન-2022બહાર પાડ્યો હતો. SARપ્લાન M-SARપ્રણાલીની કામગીરી પ્રત્યે એકીકૃત અને સંકલિત અભિગમને નિર્દેશિત કરવા માટે તમામ સહભાગી એજન્સીઓ અને હિતધારકો માટે નીતિ દસ્તાવેજ તરીકે કામ કરે છેઅનેતેનો ઉદ્દેશ ભારતમાં SAR સેવાઓની ક્ષમતા અને કાર્યદક્ષતાનિર્માણ તરફી છે.

ભારતીય રાષ્ટ્રીય સમુદ્રી માહિતી સેવાઓ કેન્દ્ર (INCOIS) અને ભારતીય હવાઇમથક સત્તામંડળ (AAI) દ્વારા સંયુક્ત રીતે તૈયાર કરવામાં આવેલા સર્ચ એન્ડ રેસ્ક્યુ સહાય ટૂલ-ઈન્ટિગ્રેટેડ (SARAT-I) સંસ્કરણ 1.0નું પણ લોન્ચિંગ કરવામાં આવ્યું હતું. આ સૉફ્ટવેરને દરિયામાં એરોનોટિકલ આકસ્મિકતા દરમિયાન લાઇન ડેટમ પ્રોબેબિલિટી અલ્ગોરિધમને પ્રાપ્ત કરતી વખતે મોટાભાગના સંભવિત વિસ્તારના નિરૂપણને એકીકૃત કરવા માટેડિઝાઇન કરવામાં આવ્યું છે. આ સૉફ્ટવેરનો ઉદ્દેશ એર ટ્રાફિક કંટ્રોલ (ATC)/ દરિયાકાંઠા આધારિત RADAR (સૉફ્ટવેરનું લોન્ચિંગ અંતિમ મૂલ્યાંકનને આધીન છે) સાથે સંપર્ક ગુમાવ્યા બાદ ગુમ થયેલા વિમાનની શોધ કરવામાં મદદકરવાનો છે અને સમુદ્રમાં કેવી રીતે વિખુટું પડ્યું તે અંગેની પ્રક્રિયામાં મદદકરવાનો છે.

આ બેઠકમાં દરિયાઇ સુરક્ષાને લગતા વિવિધ મુદ્દાઓ પર ચર્ચા કરવા અને નીતિ માળખા તેમજ જાગૃતિ કાર્યક્રમો દ્વારા SAR સેવાઓના સુધારણાના ક્ષેત્રોને ઓળખવા ઉપરાંત, ICG, ISRO, મહારાષ્ટ્ર રાજ્ય મત્સ્ય ઉદ્યોગ અને કર્ણાટક રાજ્યમત્સ્યઉદ્યોગના વિષય નિષ્ણાતો દ્વારા ટેકનિકલ પ્રેઝન્ટેશન પણ રજૂ કરવામાં આવ્યા હતા અને ત્યારબાદ ચિંતન સત્રો અને હિતધારકો તરફથી એજન્ડા મુદ્દાઓ પર ચર્ચાસત્રો યોજવામાં આવ્યા હતા.

NMSAR બોર્ડ વેપારી દરિયાખેડુઓ, સરકારની માલિકીના જહાજો સમુદ્રકાઠાના એકમ અને માછીમારો દર
સમુદ્રમાં પીડિત સંસ્થાને વિવિધ ક્ષમતાઓ પર સહાયતા પ્રદાન કરવાના શૌર્યપૂર્ણ કામના SAR પ્રયાસોને બિરદાવે
પુરસ્કાર સમારંભ દરમિયાન, અધ્યક્ષ દ્વારા વર્ષ 2021-22 માટે ચાર શ્રેણી હેઠળ SAR પુરસ્કારો એનાયત કરવામાં આવ હતા જેમાં વેપારી જહાજમાટેSARપુરસ્કાર 
માછીમારોમાટેSARપુરસ્કાર,સરકારીમાલિકીના એકમમાટેSARપુરસ્ક
અને સમુદ્રકાઠાના એકમ માટે SAR પુરસ્કારનો સમાવેશ થાય છે. વેપારી જહાજ માટેનો SAR પુરસ્કાર ભારતીય ફ્લે
કરેલા જહાજ MV સેન્ટિઆગો અને પનામાના ફ્લેગ કરેલા જહાજMV એલાયન્સને સંયુક્ત રીતે એનાયત કરવામાં આવ
હતો. માછીમારોમાટેનો SARપુરસ્કાર પશ્ચિમ બંગાળની નોંધાયેલીમાછીમારી બોટ ક્રિષ્ના નારાયણના માસ્ટરશ્રીરામદાસ
એનાયત કરવામાં આવ્યો હતો. ઉપરાંત, સરકારી માલિકીના એકમ માટેનો SAR પુરસ્કાર ICG જહાજ અનમોલ અ
કેન્દ્રશાસિત પ્રદેશ લક્ષદ્વીપ વહીવટીતંત્રના MFV બ્લુફિનને સંયુક્ત રીતે એનાયત કરવામાં આવ્યો હતો, જ્યારે સમુદ્રકાંઠ
એકમ માટેનો SAR પુરસ્કાર ગુજરાત મેરીટાઇમ બોર્ડ (GMB)ને તેમના પેટા યુનિટ VTS ખંભાત વતી તાત્કાલિક બચા
સંકલન પ્રયાસોહાથ ધરવા બદલ આપવામાં આવ્યો હતો.
અધ્યક્ષે સમાપન દરમિયાન કરેલી ટિપ્પણીમાં, જવાબદારીના ક્ષેત્ર (AoR)માં દરિયાખેડુઓને સલામત સમ માહોલ પૂરો પાડવાના સહિયારા ઉદ્દેશ્ય તરફ દરેક હિતધારકો દ્વારા હાથ ધરવામાં આવતા સહયોગપૂર્ણ પ્રયાસોની પ્રશં કરી.

જામનગરમાં કલેકટરશ્રી ડૉ. સૌરભ પારધીની અધ્યક્ષતા હેઠળ એડોપ્શન મહિનાની ઉજવણી કરાઇ

શ્રી કસ્તુરબા સ્ત્રી વિકાસ ગૃહ સંચાલિત ‘વિશેષ દત્તક સંસ્થા’ના બાળકને બાળદિન નિમિતે “પ્રી એડોપ્શન ફોસ્ટર કેર” હેઠળ સંભવિત માતા પિતાને સોંપવામાં જામનગર

ગુજરાત સરકારના સામાજિક ન્યાય અને અધિકારીતા વિભાગ, ગાંધીનગર તેમજ જિલ્લા સમાજ સુરક્ષા અધિકારીની કચેરી તથા જિલ્લા બાળ સુરક્ષા એકમ, જામનગરના હસ્તકની શ્રી કસ્તુરબા સ્ત્રી વિકાસ ગૃહ સંચાલિત ‘વિશેષ દત્તક સંસ્થા’ કાર્યરત છે. અંહી ૦ થી ૦૬ વર્ષના મળી આવેલ અને ત્યજાયેલા બાળકને જિલ્લા બાળ કલ્યાણ સમિતિ દ્વારા વિશેષ દત્તક સંસ્થામાં આશ્રિત કરવા માટેનો આદેશ કરવામાં આવે છે. બાળકના એડોપ્શન બાબતે C.A.R.A. (Central Adoption Resource Authority) નવી દિલ્હી તથા S.A.R.A.(State Adoption Resource Agency), ગુજરાતની સુચવેલી પ્રક્રિયા હેઠળ આવા બાળકોનું એડોપ્શન કરવામાં આવતું હોય છે. જે અન્વયે બાળક દત્તક લેવા ઈચ્છુક માતા-પિતાને C.A.R.A. ની વેબસાઈટ હેઠળ સરકારશ્રીના ધારાધોરણો મુજબ નોંધણી કરવાની થતી હોય તેમજ ધારાધોરણોમાં સમાવિષ્ટ થતા દત્તક માતા-પિતાને ‘વિશેષ દત્તક સંસ્થા’ ના અંતેવાસી બાળકોને કાયદાકીય પ્રણાલી મુજબ દત્તક આપવાની પ્રક્રિયા થતી હોય છે. 

આવા સંભવિત દત્તક માતા-પિતાના દસ્તાવેજો તેમજ અન્ય ચકાસણી પ્રક્રિયા જિલ્લા એડોપ્શન કમિટી દ્વારા કરવામાં આવે છે. સંતોષજનક ચકાસણી બાદ સંભવિત દત્તક બાળકને “પ્રી એડોપ્શન ફોસ્ટર કેર” હેઠળ ટૂંકા ગાળા માટે સંભવિત માતા-પિતાને સોંપવામાં આવતા હોય છે. જે અન્વયે ટૂંકા સમયગાળા દરમિયાન આ સંભવિત દત્તક બાળક તેમજ સંભવિત દત્તક માતા-પિતા જો યોગ્ય રીતે કાળજીપૂર્વક સંભાળ રાખી શકતા હોય તેમજ બાળકને ભાવનાત્મક તેમજ કૌટુંબિક હુંફ પ્રાપ્ત થયાનું ફલિત થયા બાદ આગળની કાયદાકીય પ્રક્રિયા બાદ બાળક કાયમી ધોરણે દત્તક આપવામાં આવે છે.

દર વર્ષે નવેમ્બર માસને “દત્તક માસ” તરીકે ઉજવવામાં આવે છે જેના ભાગ રૂપે તા: ૧૪-૧૧-૨૦૨૨ના રોજ “બાળ દિન” નિમિત્તે આવા જ એક બાળકને સંભવિત માતા પિતાને “પ્રી એડોપ્શન ફોસ્ટર કેર” હેઠળ માન. કલેકટરશ્રી ડૉ. સૌરભ જે. પારધી સાહેબના વરદ હસ્તે બાળકને સોંપવામાં આવેલ. 

આ કાર્યક્રમમાં જિલ્લા બાળ કલ્યાણ સમિતિના ચેરમેનશ્રી હર્ષિદાબેન પંડ્યા, બાળ કલ્યાણ સમિતિના અન્ય સભ્યશ્રીઓ, શ્રી કસ્તુરબા સ્ત્રી વિકાસ ગૃહના પ્રમુખશ્રી કરશનભાઇ ડાંગર, જિલ્લા સમાજ સુરક્ષા અધિકારીશ્રી એમ. આર. પટેલ, જિલ્લા બાળ સુરક્ષા અધિકારી આર. જે. શિયાર તથા જિલ્લા સમાજ સુરક્ષા અધિકારીની કચેરી, જિલ્લા બાળ સુરક્ષા એકમના અન્ય કર્મચારીઓ તેમજ વિશેષ દત્તક સંસ્થાના કર્મચારીઓ હાજર રહ્યા હતા.

આઠ તેજસ્વી લડવૈયાઓએ પ્રેક્ષકોને મંત્રમુગ્ધ કરવા માટે આકાશને ભેદતા આકર્ષક કરતબો રજૂ કર્યા

IAF ની તેજસ્વી સૂર્યકિરણ એરોબિક ટીમે નગરના આકાશમાં ઝળહળતા દ્રશ્યો સર્જ્યા ૯ હોક એમકે-132, એરક્રાફ્ટે આકાશમા રાજ કર્યું

જામનગરમાં આરેબેટીક પ્રદર્શનનો ઉદ્દેશ્ય ભારતીય વાયુ સેનાના પાયલોટ્સની વ્યવસાયિકતા અને કૌશલ્ય પ્રદર્શિત કરવાનુ છે.

જામનગર, તા.12, આઝાદી કા અમૃત મહોત્સવના ભાગરુપે ભારતીય વાયુ સેનાની સૂર્યકિરણ એરોબેટીક ટીમ (સ્કેટ) એ 90 મી વર્ષગાંઠની ઉજવણી માટે જામનગરના આકાશમાં વિવિધ કરતબો અને સ્ટન્ટ પ્રદર્શિત કર્યા હતા, ભારતીય સેનાની વિશ્વ વિખ્યાત સૂર્યકિરણ એરોબેટીક ટીમે આકાશને ભેદતાં અને આકર્ષક અને હેરતઅંગેઝ સ્ટન્ટ કરતાં જામનગરવાસીઓને રોમાંચિત અને ઠંડકની અનુભૂતિ કરાવી હતી, ગઇકાલે શુક્રવારના દિવસે હજ્જારોની સંખ્યામાં ઉપસ્થિત રહેલાં યુવાનો અને બાળકોને હવામાં રોમાંચનો આનંદ માણવાનો આદર્શ સમય મળ્યો હતો, કારણ કે, સ્કેટએ લાંબા અંતરાલ પછી આકાશ પર રાજ કર્યું હતું.

ભારતીય વાયુ સેનાના આઠ ડેરડેવીલ પાયલોટ્સની ટીમે લડાકુ વિમાન સાથે ઉડાન ભરીને જેના માટે તેઓ જાણીતા છે, રોમાંચક પ્રદર્શનો કર્યા હતા, પ્રદર્શનની શરુઆત બાદ આગામી 25 મીનીટ હવામાં રોમાંચિત હતી, કારણ કે સુર્યકિરણ ટીમે બે ભાગમાં સ્ટન્ટ કર્યા હતા, પ્રથમ ભાગમાં વણાંક, વીંગઓવર, લુપ્સ અને બેરલ રોલ્સનો સમાવેશ થાય છે, એર-શો માં ટીમ કમ્પોઝીટ અને સિંક્રોમા પ્રદર્શન કર્યું હતું, તેઓએ આલ્ફાક્રોસ, ડબલ ફોર્ક સ્ક્રૂ, રોલબેક, હાર્ડટર્ન અને પીલ ટુ લેન્ડ કરતબ બતાવ્યા હતા.

સુર્યકિરણ એરોબેટીક ટીમની રચના વર્ષ 1996 માં કરવામાં આવી હતી અને ત્યારથી તેને સામાન્ય રીતે નવ વિમાનો સાથે અસંખ્ય પ્રદર્શનો કર્યા છે, હાલમાં હોક એમકે-132, એરક્રાફ્ટ, સ્કેટનો ભાગ છે, જામનગરમાં આ આરેબેટીક પ્રદર્શનનો ઉદ્દેશ્ય ભારતીય વાયુ સેનાના પાયલોટ્સની વ્યવસાયિકતા અને કૌશલ્ય પ્રદર્શિત કરવાનો તેમજ સાથે સાથે યુવાનોમાં દેશભક્તિની ભાવના જગાવવાનો છે.

આ સૂર્યકિરણ એરોબિક ટિમ દ્વારા ગઇકાલે અને આજે સતત બીજા દિવસે સવારે 9.30 વાગ્યે  ફૂડ ઝોન આદિનાથ પાર્ક પાસેના સ્થળે પણ કાર્યક્રમ યોજાયો છે, જેમાં શહેર-જિલ્લાના નગરજનો-મીડીયાકર્મીઓને પણ આમંત્રિત કરાયા છે, આ કાર્યક્રમ દરમ્યાન ગઇકાલે જામનગર શહેર નજીક એરપોર્ટ રોડ પર આવેલી સ્વામિનારાયણ ફિઝિયોથેરાપી કોલેજ તથા ફૂડ ઝોન, આદિનાથ પાર્ક પાસે પ્રદર્શન નિહાળવાની વ્યવસ્થા કરવામાં આવી હતી, જે બંને સ્થળો પર સ્વામીનારાયણ ગુરુકુળના વિદ્યાર્થીઓ, મોદી સ્કૂલના વિદ્યાર્થીઓ, કોર્પોરેશન સંચાલિત પંદર જેટલી શાળાઓના વિદ્યાર્થીઓ, પોદાર સ્કૂલના વિદ્યાર્થીઓ, એરફોર્સની કેન્દ્રીય વિદ્યાલયની પાંચ શાળાઓના વિદ્યાર્થીઓ, સૈનિક સ્કૂલ બાલાચડીના વિદ્યાર્થીઓ સહિત તેમના વાલીઓ અને જામનગરના આમંત્રિત મહેમાનો-મહાનુભાવો આ એર-શો નિહાળવાનો આનંદ માણ્યો હતો.

આ એર-શો દરમિયાન જામનગર મહાનગરપાલિકાના નાયબ કમિશનર ભાવેશભાઇ જાની તેમજ એરફોર્સના અધિકારીઓ, જવાનો પણ ઉપસ્થિત રહ્યાં હતાં. આ કાર્યક્રમ અન્વયે એરફોર્સના આ સૂર્યકિરણ ટીમના જવાનોએ આકાશમાં અદ્દભૂત-હેરતઅંગેજ કરતબો રજૂ કર્યા હતા જેને ઉપસ્થિત પ્રેક્ષકો નિહાળી રોમાંચિત થયા હતા.જામનગરમા તેજસ્વી સૂર્ય કિરણ ટીમના ગ્રુપ કેપ્ટન જી.એસ. ધિલ્લોન કમાન્ડિંગ ઓફિસર છે અને ટીમમાં SQN LDR ડી. ગર્ગ, SQN LDR પી. ભારદ્વાજ, WG CDR એ. યાદવ, WG CDR આર. બોરડોલોઈ, SQN LDR એ. જ્યોર્જ, WG CDR એ. ગોઆકર, SQN LDR એમ. ભલ્લા, SQN LDR એચ. સિંઘ, SQN LDR એ. સલારિયા હતા. આ શોના કોમેન્ટેટર FLT LT આર ગુરુંગ હતા. આજે તેઓ આઠ એરક્રાફ્ટ સાથે ઉડ્યા હતા. આજે બીજા દિવસના કાર્યક્રમ દરમિયાન આમંત્રિત મહાનુભાવોનો કાફલો ઉપસ્થિત રહ્યો હતો, જામનગરના કલેક્ટર સૌરભ પારઘી, એસ.પી પ્રેમસુખ ડેલું, વાલસુરાના કોમોડોર જે એમ ધનવા, કમિશ્નર વિજય ખરાડી, એર ફોર્સના એર કોમોડોર આનંદ સાથે આમંત્રિત મહાનુભાવો સહીત અલગ અલગ શાળાના ૪૫૦૦ જેટલાં બાળકો, યુવાનો ઉપસ્થિત રહ્યા હતા.

જામનગરના પંચવટી વિસ્તારમાં તસ્કરોએ બંધ મકાનને નિશાન બનાવી 1.5 લાખના રોકડ સહિત મુદ્દામાલની કરી ચોરી

જામનગરના પંચવટી ગૌશાળા બોર્ડિંગ સામેની શેરીમાં ૧૨૮-અ, આવકાર ખાતે રહેતા નિવૃત બેંક કર્મચારી હરેશકુમાર ગુણવંતરાય ત્રિવેદીના બંધ રહેણાંક મકાનમાં ગત તા. ૪-૧૧-૨૨ થી ૧૦-૧૧-૨૨ના કોઇપણ સમય દરમ્યાન અજાણ્યા શખ્સો ત્રાટકયા હતા, મકાનની અંદરના મેઇન દરવાજાના તાળા, નકુચા તોડી ગેરકાયદે રૂમમાં પ્રવેશ કર્યો હતો.

જામનગર પંચવટી ગૌશાળા નજીક રહેણાક મકાનમાં ત્રાટકેલા તસ્કરો રોકડ, સોનુ-ચાંદી અને ઇમીટેશન જવેલરી મળી દોઢ લાખનો મુદામાલ ચોરી કરી ગયા હતા પોલીસ ટુકડી દ્વારા તપાસનો ધમધમાટ આદરવામાં આવ્યો છે, જેમાં સીસી ફુટેજ ચેક કરતા બે શખ્સ શંકાસ્પદ હાલતમાં જોવા મળ્યા છે, પાંચ દિવસ બંધ રહેલા મકાનમાં તસ્કરોએ તમામ લોક તોડી સામાન વેર વિખેર કરીને ચોરી કરી નાશી છુટયા હતા, જયારે કાલાવડના સરદાર કોમ્પ્લેક્ષ પાસે મહિલાની નજર ચુકવીને બે હજારની રોકડ, સોનાના દાગીના મળી ૫૦ હજારના મુદામાલવાળુ પર્સ કોઇ ચોરી કરી ગયું છે.

અજાણ્યા શખ્સો રૂમના કબાટ અને ખાનાનું લોક તોડીને અંદરથી ૧૫ ગ્રામ,  ૬૦ હજારની કિંમતનું સોનુ, ૧૦૫૦ ગ્રામ ચાંદી, ૬૩૪૦૦ની રોકડ તથા ઇમીટેશન જવેલરી મળી અંદાજે દોઢ લાખનો મુદામાલ ચોરી કરી ગયા હતા, રૂમની અંદર રહેલા સાતથી આઠ જેટલા કબાટના લોક તોડી અંદરના તમામ ખાના પણ તોડી નાખ્યા હતા અને સામાન વેરવિખેર કરી નાખ્યો હતો, ગઇકાલે આ અંગેની જાણ થતા મકાન માલિક બહારગામથી પરત ફર્યા અને પોલીસને જાણ કરાતા ટુકડી સ્થળ પર દોડી ગઇ હતી.

દરમ્યાનમાં હરેશકુમાર ત્રિવેદી દ્વારા સીટી-બીમાં ઉપરોકત વિગતોના આધારે અજાણ્યા શખ્સો સામે ચોરી કરી ગયાની વિધિવત ફરીયાદ નોંધાવી હતી. જેના આધારે પોલીસ દ્વારા તપાસ ચલાવવામાં આવી રહી છે, સીટી-બી પીઆઇ ઝાલાની સુચનાથી પીએસઆઇ વાઢેર સહિતની ટુકડી તપાસમાં જોડાઇ હતી અને આજુબાજુના સીસી ફુટેજ ચેક કર્યા હતા જેમાં બુકાનીધારી બાઇકમાં આવેલા બે શખ્સ શંકાના દાયરામાં આવ્યા છે જે દિશામાં તપાસ લંબાવવામાં આવી રહી છે. છેલ્લા થોડા દિવસથી શહેર વિસ્તારમાં તસ્કરોની રંઝાડ વધી રહી છે, તાજેતરમાં મોમાઇનગર વિસ્તારમાં એકી સાથે ત્રણથી ચાર મકાનને નિશાન બનાવવામાં આવ્યા હતા જેમાં પણ સીસી ફુટેજ ચેક કરતા બાઇકમાં આવેલ બે શખ્સ કેદ થયા હતા.

​​​​​​​

અધિક કલેક્ટર શ્રી બી.એન.ખેર તથા નાયબ જિલ્લા ચૂંટણી અધિકારીશ્રી કલ્પના ગઢવીએ MCMC સેન્ટરની મુલાકાત લીધી

જિલ્લા માહિતી કચેરી પાસે કાર્યરત MCMC સેન્ટર ચૂંટણી પંચની માર્ગદર્શિકા પ્રમાણે પેઈડ ન્યૂઝ પર રાખે છે ચાંપતી નજર

જામનગર, તા.૦7, ગુજરાતના આંગણે લોકશાહીનું મહાપર્વ આવ્યું છે ત્યારે પેઈડ ન્યૂઝ અને જાહેરખબરો પર દેખરેખ રાખવા માટે જિલ્લા માહિતી કચેરી, જિલ્લા સેવા સદન-2 જામનગર ખાતે મીડિયા સેન્ટર ઉભુ કરવામાં આવ્યું છે. જેની અધિક નિવાસી કલેક્ટરશ્રી બી.એન.ખેર તથા જિલ્લા નાયબ ચૂંટણી અધિકારીશ્રી કલ્પના ગઢવીએ મીડિયા સર્ટિફિકેશન એન્ડ મોનિટરીંગ કમિટી એટલે કે MCMC સેન્ટરની મુલાકાત લીધી હતી.  

આ મુલાકાતમાં અધિકારીશ્રીઓએ ઈલેક્ટ્રોનિક મીડિયા, પ્રિન્ટ મીડિયા, ટી.વી.ચેનલ, કેબલ નેટવર્ક, ઓડિયો વિઝ્યુઅલ, ડિસ્પ્લે પર પ્રસિદ્ધ થતી રાજકીય જાહેરખબરોનું પૂર્વ-પ્રમાણીકરણ, અને મોનીટરીંગ વગેરે બાબતો વિશે માર્ગદર્શન પુરું પાડી જરૂરી સૂચનો કર્યા હતા. ઉલ્લેખનીય છે કે, જિલ્લામાં રાજકીય પક્ષો કે દરેક ઉમેદવારો દ્વારા પ્રસિદ્ધ કરવામાં આવતી રાજકીય જાહેરખબરોના આગોતરા પ્રમાણિકરણ અને મીડિયા પ્રમાણીકરણ અને દેખરેખ સમિતીની રચના કરવામાં આવે છે.

ચૂંટણી પંચની માર્ગદર્શિકા પ્રમાણે ઉપરોક્ત કમિટી કામગીરીની તૈયારીઓ વિશે અધિક કલેક્ટરશ્રી તથા નાયબ ચૂંટણી અધિકારીશ્રીએ બારીકાઈથી વિગતો મેળવી હતી. આ મુલાકાતમાં જિલ્લા ચૂંટણી અધિકારીશ્રીને મીડિયા સર્ટિફિકેશન એન્ડ મોનિટરીંગ કમિટી(MCMC) દ્વારા થયેલ કાર્યો અને કરવામાં આવતી કામગીરી વિશે ઈન્ચાર્જ નાયબ માહિતી નિયામક શ્રી એચ.પી.ગોઝારીયા વગેરેએ માહિતગાર કર્યા હતા.

મતદાર વિભાગના ચૂંટણી અધિકારીશ્રીની પૂર્વ મંજુરી મેળવ્યા વગર ચૂંટણી પ્રચાર માટે વાહનોના ઉપયોગ પર નિયમન કરવા જાહેરનામું બહાર પડાયુ

રજિસ્ટર કરાવ્યા સિવાય કોઈપણ વાહનનો ચૂંટણી પ્રચાર કે ચૂંટણીના કામે ઉપયોગ કરી શકાશે નહીં

જામનગર તા.૬, ભારતનાં ચૂંટણી આયોગ દ્વારા વિધાનસભા સામાન્ય ચૂંટણી-૨૦૨૨ યોજવાનું જાહેર કરેલ છે. જેનાં અનુસંધાને ચૂંટણી પ્રચાર અભિયાનરૂપે રાજકીય પક્ષનાં કાર્યકરો અને ચૂંટણી ઉમેદવારો તરફથી ચૂંટણી પ્રચાર ઝુંબેશ પોતપોતાના મત વિસ્તારમાં શરૂ કરવામાં આવશે. આ પ્રચારનાં હેતુ માટે તેઓ દ્વારા મોટા પ્રમાણમાં પ્રચાર માટે વાહનોનો ઉપયોગ કરવામાં આવતો હોય છે. આ સંજોગોમાં આવા વાહનો ઉપર દેખરેખ રાખવા અને ઉમેદવારનાં પ્રચાર માટે વપરાતા વાહનોનાં સબંધમાં થતો ખર્ચ યોગ્ય રીતે જાહેર થાય તે હેતુથી અને જો આમ કરવામાં ન આવે તો તેમનાં પ્રતિસ્પર્ધી ઉમેદવારો તથા જનસામાન્ય તરફથી સાચી ખોટી ફરીયાદો ઉપસ્થિત થવા અને એકબીજા જુથો વચ્ચે મનદુ:ખ અને ઘર્ષણ ઉભુ થવાની સંભાવના તેમજ સુલેહશાંતીનો ભંગ થવા સંભવ રહે છે.

આથી અધિક જિલ્લા મેજિસ્ટ્રેટશ્રી, જામનગર દ્વારા ફોજદારી કાર્યરીતિ અધિનિયમ-૧૯૭૩ની કલમ-૧૪૪ અન્વયે જાહેરનામુ બહાર પાડી સમગ્ર જામનગર જિલ્લામાં કોઈપણ રાજકીય પક્ષો, વ્યક્તિ, સંસ્થા, ચૂંટણી ઉમેદવાર અથવા તો તેઓની સહમતીથી કોઈપણ વ્યક્તિ દ્વારા કોઈપણ ઉમેદવાર કે પક્ષના કામે ચૂંટણી પ્રચાર માટે વાહનોનો ઉપયોગ કરવામાં આવે તેવા તમામ વાહનો સંબંધિત મતદાર વિભાગના ચૂંટણી અધિકારી પાસે રજીસ્ટર્ડ કરાવવાના રહેશે. રજિસ્ટર કરાયેલ વાહન માટે અધિકારીશ્રી પાસેથી પરમીટ મેળવી, અસલ પરમીટ જ વાહનોની ઉપર સહેલાઈથી દેખાય આવે તે રીતે વિન્ડસ્ક્રીન પર ચોંડવાની રહેશે. આ પરમીટમાં વાહનની મતદાર વિભાગના કયા વિસ્તારમાં ઉપયોગમાં લેવા માટે નોંધણી કરાવવામાં આવી છે તેની સ્પષ્ટ વિગતો દર્શાવવાની રહેશે.તેમજ વપરાશમાં લેવાયેલ વાહનનો ખર્ચ ઉમેદવારના ચૂંટણી ખર્ચમાં ઉમેરવાનો રહેશે. પરમીટ મેળવ્યા સિવાય અને વાહન રજિસ્ટર કરાવ્યા સિવાય કોઈપણ વાહનનો ચૂંટણી પ્રચાર કે ચૂંટણીના કામે ઉપયોગ કરી શકાશે નહીં. આ નિયંત્રણો આર.ટી.ઓ. માન્ય વાહનોને લાગુ પડશે. 

આ જાહેરનામાનો ઉલ્લંઘન કરનાર ભારતીય દંડ સંહિતાની કમલ-૧૮૮ હેઠળ સજાને પાત્ર થશે. આ જાહેરનામું તા.૧૦/૧૨/૨૦૨૨ સુધી અમલમાં રહેશે અને જિલ્લાના સમગ્ર વિસ્તારને લાગુ પડશે.

૭૭ જામનગર (ગ્રામ્ય) વિધાનસભા બેઠકના નામાંકન પત્રો તા.૧૪/૧૧/૨૦૨૨ સુધી સવારે ૧૧:૦૦થી બપોરના ૦૩:૦૦ કલાક સુધી ભરી શકાશે

ચૂંટણી અધિકારીશ્રી ૭૭ જામનગર(ગ્રામ્ય) વિધાનસભા મતદાર વિભાગ અને પ્રાંત અધિકારીશ્રી જામનગર (ગ્રામ્ય) દ્વારા આ વિધાનસભા મતદાર વિભાગ માટે ચૂંટણી નોટિસ જાહેર કરવામાં આવેલ છે. જે મુજબ ચૂંટણી અધિકારીશ્રી ૭૭-જામનગર (ગ્રામ્ય) વિધાનસભા મતદાર વિભાગ અને પ્રાંત અધિકારીની કચેરી, મહેસુલ સેવા સદન, શરૂ સેક્શન રોડ, બીજા માળે, જામનગર તથા મદદનીશ ચૂંટણી અધિકારી અને મામલતદાર જામનગર (ગ્રામ્ય) સમક્ષ મોડામાં મોડું તા.૧૪/૧૧/૨૦૨૨ સુધી (જાહેર રજા સિવાય) સવારના ૧૧:૦૦થી બપોરના ૦૩:૦૦ વાગ્યા સુધીમાં નામાંકન પત્રો મોકલવાના રહેશે.નામાંકન માટેના ફોર્મ ઉપરોક્ત સ્થળે અને સમયે મળી રહેશે.જે માટે નિયમોનુસાર નોટીસ પ્રસિદ્ધ કરવામાં આવેલ છે.

ઉમેદવારી પત્રોની ચકાસણી તા.૧૫/૧૧/૨૦૨૨ના રોજ સવારના ૧૧.૦૦ વાગ્યાથી ચૂંટણી અધિકારી અને પ્રાંત અધિકારીની કચેરી(ગ્રામ્ય) ખાતે હાથ ધરવામાં આવશે તેમજ તા.૧૭/૧૧/૨૦૨૨ના બપોરના ૩:૦૦ કલાક પહેલા ઉમેદવારી પરત ખેંચવાની નોટિસ ઉપરોક્ત કોઈપણ અધિકારી સમક્ષ રજૂ કરી શકાશે. મતદાન કરવાનું થશે તો તા.૦૧/૧૨/૨૦૨૨ના રોજ સવારે ૮:૦૦થી સાંજના ૦૫.૦૦ વાગ્યા વચ્ચે થશે તેવું ચૂંટણી અધિકારીશ્રીની અખબારી યાદીમાં જણાવાયું છે.

જાહેર નાણાંનો હિસ્સો ધરાવતી તમામ સંસ્થાઓએ આદર્શ આચાર સંહિતાનો ચુસ્તપણે અમલ કરવાનો રહેશે

આચાર સંહિતાની સૂચનાઓનો ભંગ કરનાર વિરૂદ્ધ ચૂંટણી પંચ દ્વારા કાર્યવાહી હાથ ધરાશે

જામનગર તા.06, ભારત ચૂંટણી પંચ, નવી દિલ્હી દ્વારા વિધાનસભાની સામાન્ય ચૂંટણીનો વિગતવાર કાર્યક્રમ તા.૦૩/૧૧/૨૦૨૨ના રોજ જાહેર કરવામાં આવેલ છે. આથી તા.૦૩/૧૧/૨૦૨૨ના રોજથી ભારતના ચૂંટણી પંચે બહાર પાડેલ રાજકીય પક્ષો અને ઉમેદવારો માટે આદર્શ આચાર સંહિતા, અધિકારી/કર્મચારીઓની બદલી પર પ્રતિબંધ સહિતની મુક્ત અને ન્યાયી ચૂંટણી યોજવા માટેની તમામ સૂચનાઓ અમલમાં આવેલ છે.

આ સૂચનાઓનો અમલ રાજ્ય સરકાર, રાજકીય પક્ષો, ઉમેદવારો, સચિવાલયના તમામ વિભાગો, ખાતાઓ, કચેરીઓ, સ્થાનિક સ્વરાજની સંસ્થાઓ, બોર્ડ/નિગમો, સહકારી મંડળીઓ વગેરે કે જેમાં જાહેર નાણાંનો જરા પણ હિસ્સો હોય તેવી તમામ સંસ્થાઓએ ચુસ્તપણે કરવાનો રહેશે. આ સૂચનાઓનો ભંગ કરનાર સામે ભારતનું ચૂંટણી પંચ, નવી દિલ્હી, મુખ્ય નિર્વાચન અધિકારીશ્રી તેમજ જિલ્લા ચૂંટણી અધિકારીશ્રી / ચૂંટણી અધિકારીશ્રી કાર્યવાહી હાથ ધરાશે. આથી આચાર સંહિતા તેમજ મુક્ત અને ન્યાયી ચૂંટણી યોજવા સંબંધી ભારતના ચૂંટણી પંચ, નવી દિલ્હીની સૂચનાઓનો આ ચૂંટણીમાં ચુસ્તપણે અમલ કરવા સર્વેને જિલ્લા ચૂંટણી અધિકારી અને કલેક્ટરશ્રી દ્વારા અનુરોધ કરવામાં આવેલ છે.

જામનગર શહેર ખાતે રહેણાક મકાનમાં ધોડીપાસા વડે જુગાર રમતા ૧૨ ઇસમોને રોકડ.રૂ.૯૨,૯,૫૦/-તથા વાહન તથા મોબાઇલ ફોન તથા ઇગ્લીશ દારૂની બોટલ નંગ-૫ કિ.રૂ.૨૦૦૦ મળી કુલ કિ.રૂ.૭,૬૧,૪૫૦ ના મુદામાલ સાથે પકડી પાડતી જામનગર એલ.સી.બી.પોલીસ

શ્રી પોલીસ મહાનિરીક્ષક સાહેબ રાજકોટ વિભાગ રાજકોટ ના શ્રી ઔશકકુમાર સાહેબે આગામી દિવસોમા વિધાનસભા ચુંટણી આવનાર હોય જેથી પોહી જુગાર ની ગે.કા.પ્રવૃતી કરતા ઇસમો ઉપર જરૂરી વોચ રાખી તેઓની ગે.કા પ્રવૃતી જણાયે દારૂ જગારના કેશો કરવા પ્રોહી જુગરની ડ્રાઇવનુ આયોજન કરેલ હોય જેથી જામનગર જીલ્લાના પોલીસ વડા શ્રી પ્રેમસુખ ડેલૂ સાહેબ નાઓએ દારૂ જુગારના કેશો સોધી કાઢવા સુચના કરેલ હોય જેથી એલ.સી.બી. ના પો.ઇન્સ શ્રી જે.વી.ચૌધરીના માર્ગદર્શન મુજબ એલ.સી.બી. સ્ટાફના પો..સ.ઇ. શ્રી આર.કે.કરમટા તથા પો.સ.ઇ. શ્રી એસ.પી.ગોહિલ તથા સ્ટાફના માણસો જામનગર શહેર વિસ્તારમાં પ્રોહી જુગારના દેશો શોધી કાઢવા અંગે પેટ્રોલીંગમા હતા દરમ્યાન જામનગર એલ.સી.બી.ના પોલીસ સ્ટાફના પોલીસ કોન્સ કિશોરભાઇ પરમાર તથા પોલીસ હેડ કોન્સ ધનશ્યામભાઇ ડેરવાળીયાને મળેલ હકિકત આધારે નીચે જણાવેલ નામ વાળા ઇસમો ધોડીપાસા નો જુગાર આરોપી નંબર-૧ ના ઘરે રમતા મળી આવતા તેના કબ્જા માંથી રોકડ ૩૯૨૯૫૦,/- તથા ઘોડીપાસા નંગ -૨ કિ.રૂ.૦૦/૦૦ તથા વાહનો મા સ્વીફટ કાર -૧ તથા મો.સા.૭ મળી કુલ -૮ વાહન કિ.રૂ.૩.૬,૧૦,૦૦૦/- તથા મોબાઇલ ફોન નંગ-૧૪ કિ.રૂ.૫૬૫૦૦/-મળી તથા ઇંગ્લીશ દારૂની બોટલ નંગ-૫ કિ.રૂ.૨,૦૦૦/- મળી કુલ કિ.રૂ.૭૬૧,૪૫૦ ના મુદામાલ સાથે મળી આવતા એએસઆઇ.માંડણભાઇ વસરાએ ફરીયાદ રીપોર્ટ આપતા પો.સ.ઇ. શ્રી આર.કે.કરમટાએ તેમના સામે કાયદેસરની કાર્યવાહી કરેલ છે

(૧) સાગર કિશોરભાઇ સોમીયા રહે.પટેલ કોલોની શેરી નં-૯ મુજા એવન્યુ વીંગ-બી-૧૦૨ જામનગર                         

(૨) અનિલ ઉર્ફે ભુરો હરીશભાઇ મંગે સિંધી ભાનુશાળી રહે.વસંતવાટીકા શેરી નં-જી જામનગર

(૩) દિનેશભાઈ નારણભાઇ તમતાણી જાતે સિંધી લુહાણા રહે,રીંક એપાર્ટમેન્ટ બ્લોક નં-૯ મહાવિર સોસાયટી જામનગર

(૪) ૨વી જગદિશભાઇ મંગે જાતે કચ્છી ભાનુશાળી રહે,દિ પલોટ-૫૮ જામનગર

(૫) પ્રવિણ હરસુખભાઈ ખરા રહે.પુકરવામ સોસાયટી -૨ હરી દર્શન ફ્લેટની બાજુમા રણજીતસાગર રોડ જામનગર

(૬) મનસુખભાઇ રામાભાઇ સૌલકી જાતે ભરવાડ રહે.રાંદલનગરના છેડે જામનગર

(૭) જયસુખ વજાભાઇ ટોયટા રહે.ઠેબાગામ તા.જી.જામનગર

(૮) રવિગીરી ભગવાનગીર ગોસાઇ રહે,નંદનપાર્ક -1 પુનીતનગર પાછળ જામનગર

(૯) દીપેશ - નરેદ્રભાઇ સોલંકી ખવાસ રહે પંચવટી સોસાયટી સૌવ એપાર્ટમેન્ટ બ્લોક નં-૫ જામનગર (૧૦) મનસુખ જેશાભાઇ બાંભવા જાતે ભરવાડ રહે.મોટી બાણુગારગામ પ્લોટમાં તા.જી.જામનગર (૧૧) સુનીલભાઇ જ્ઞાનચંદ લાલવાણી રહે.દિ.પ્લોટ-૫૮ હીંગળાજ ચોક આશાપુરા સોસાયટી જામનગર

(૧૨) અશોક ખટાઉભાઇ મંગે જાતે કચ્છી ભાનુશાળી રહેર્ટિ પ્લોટ ૬પ જોલી બંગલા પાછળ ગલી જામનગર આ કાર્યવાહી પો.ઇન્સ.શ્રી પો.ઇન્સ શ્રી જે.વી.ચૌઘરીની સુચના થી પો.સ.ઇ. શ્રી ચાર કે,કરમટા તથા પો.સ.ઇ. શ્રી એસ.પી.ગોહિલ એલ.સી.બી. સ્ટાફના એ.એસ.આઇ. માંડણભાઇ વસરા, સંજયસિ વા, હરપાલસિ સોઢા, ભરતભાઇ પટેલ તથા પોલીસ હેડ કોન્સ નાનજભાઇ પટેલ, શરદભાઇ પરમાર દિલીપભાઇ તલવાડીયા. હીરેનભાઇ કરણના ભગીરથસિંહ સરવૈયા હરદિપભાઇ ધાધલ વનરાજભાઇ મકવાણા, ધાનાભાઇ મોરી શોકભાઇ સોલંકી, ધર્મેન્દ્રસિંહ ડી. જાડેજા, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા ધનશ્યામભાઇ ડેરવાળીયા તથા પોલીસ કોન્સ ફીરોજભાઇ ખફી શીવભદ્રસિંહ જાડેજા નિર્મળસિંહ જાડેજા, યોગરાજસિંહ રાણા કિશોરભાઇ પરમાર રાકેશભાઇ ચૌહાણ બળવત્તસિંહ પરમાર સુરેશમાટે માલકીયા દયારામ ત્રિવેદી તથા ધર્મેન્દ્રસિંહ જાડેજા તથા ભારતીબેન ડાંગર વિગેરે દ્વારા કરવામાં આવેલ છે